Theft: 3.25 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಕಳವು

Team Udayavani, May 23, 2024, 8:49 PM IST

ಮಂಗಳೂರು: ನಗರದ ಜಪ್ಪು ಬಪ್ಪಾಲ್‌ ನಿವಾಸಿ ಸೀಮಾ ಎಂಬವರಿಗೆ ಸೇರಿದ ವಿವಿಧ ನಮೂನೆಯ 50 ಗ್ರಾಂ ತೂಕದ 3.25 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಕಳವಾಗಿದೆ.

ಸೀಮಾ ಅವರು ಉತ್ತರ ಕನ್ನಡ ಜಿಲ್ಲೆಯ ಗೋಕರ್ಣದಲ್ಲಿರುವ ತಾಯಿ ಮನೆಯಿಂದ ವ್ಯಾನಿಟಿ ಬ್ಯಾಗ್‌ನಲ್ಲಿ ಚಿನ್ನಾಭರಣಗಳು ಇದ್ದ ಬಾಕ್ಸ್‌ ಇಟ್ಟುಕೊಂಡು ಮೇ 22ರಂದು ಬೆಳಗ್ಗೆ 6.52ಕ್ಕೆ ಮಂಗಳೂರಿಗೆ ಹೊರಟಿದ್ದು, ಮಧ್ಯಾಹ್ನ 12.30ಕ್ಕೆ ಮಂಗಳೂರಿಗೆ ಕೆಎಸ್‌ಆರ್‌ಟಿಸಿ ಬಸ್ಸು ನಿಲ್ದಾಣದಲ್ಲಿ ಇಳಿದಿದ್ದಾರೆ.

ಬಳಿಕ ತನ್ನ ಗಂಡನ ಕಾರಿನಲ್ಲಿ ಅಲ್ಲಿಂದ ದೇರೆಬೈಲು ಪ್ರಶಾಂತನಗರದಲ್ಲಿರುವ ಸಂಬಂಧಿಕರ ಗೃಹ ಪ್ರವೇಶ ಕಾರ್ಯಕ್ರಮಕ್ಕೆ ಹೋಗಿದ್ದಾರೆ.

ಕಾರ್ಯಕ್ರಮ ಮುಗಿಸಿ ಮನೆಗೆ ಬಂದು ನೋಡಿದಾಗ ಬ್ಯಾಗ್‌ನಲ್ಲಿ ಬಾಕ್ಸ್‌ ಇರಲಿಲ್ಲ. ಈ ಬಗ್ಗೆ ಪಾಂಡೇಶ್ವರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.