ವಿದ್ಯಾರ್ಜನೆಗೆ ವಯಸ್ಸಿನ ಮಿತಿಯಿಲ್ಲ: ಕಾಶೀ ಶ್ರೀ

Team Udayavani, Oct 6, 2017, 7:00 AM IST

ಮಂಗಳೂರು: ಕಲಿಕೆ ನಿರಂತರ ಪ್ರಕ್ರಿಯೆ, ವಿದ್ಯೆಯನ್ನು ಸಂಪಾದಿಸುವ ಎಲ್ಲರೂ ವಿದ್ಯಾರ್ಥಿಗಳು. ವಿದ್ಯಾರ್ಜನೆಗೆ ವಯಸ್ಸಿನ ಮಿತಿ ಇರುವುದಿಲ್ಲ  ಎಂದು ಶ್ರೀ ಕಾಶೀ ಮಠಾಧೀಶ ಶ್ರೀಮತ್‌ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ತಿಳಿಸಿದರು.

ಕೊಂಚಾಡಿಯ ಶ್ರೀ ಕಾಶೀ ಮಠದಲ್ಲಿ ವೀರವೆಂಕಟೇಶ ಚಾರಿ ಟೆಬಲ್‌ ಟ್ರಸ್ಟ್‌ ವತಿಯಿಂದ ಆಯೋ ಜಿಸ ಲಾದ ದಿ| ಮಿಜಾರು ಗೋವಿಂದ ಪೈ ಹಾಗೂ ದಿ| ಮಿಜಾರು ಮನೋರಮಾ ಪೈ, ಜಯಶ್ರೀ ರಾಮದಾಸ ಕಾಮತ್‌ ಮುಂಡ್ಕೂರು, ಹಾಗೂ ಕಾಪು ಶ್ರೀ ಸದಾನಂದ ನಾಯಕ್‌ ಟ್ರಸ್ಟ್‌ನ ವಿದ್ಯಾರ್ಥಿವೇತನ ವಿತರಣೆ ಸಮಾರಂಭದಲ್ಲಿ ಅವರು ಆಶೀರ್ವಚನ ನೀಡಿದರು.

ಟ್ರಸ್ಟಿನ ಕಾರ್ಯದರ್ಶಿ ಟಿ. ಗಣಪತಿ ಪೈ ಅವರು ಟ್ರಸ್ಟಿನ ಚಟುವಟಿಕೆಗಳನ್ನು ವಿವರಿಸಿದರು. ಟ್ರಸ್ಟಿನ ಅಧ್ಯಕ್ಷ ಎ.ಕೆ. ಮಂಜುನಾಥ್‌ ಶೆಣೈ ಶ್ರೀಗಳ ಪಾದಪೂಜೆ ಮಾಡಿದರು. ಕೆಲವು ವಿದ್ಯಾರ್ಥಿಗಳಿಗೆ ಸ್ವಾಮೀಜಿಯವರು ಸಾಂಕೇತಿಕವಾಗಿ ವಿದ್ಯಾರ್ಥಿವೇತನ ವಿತರಿಸಿದರು.

ಸಮ್ಮಾನ
ಕೆ ಸಿಇಟಿಯಲ್ಲಿ ಪ್ರಥಮ ರ್‍ಯಾಂಕ್‌ ಗಳಿಸಿದ ಪ್ರತೀಕ್‌ ಎಸ್‌. ಶೆಣೈ ಅವರನ್ನು ಸಮ್ಮಾನಿಸಲಾಯಿತು. ಟ್ರಸ್ಟಿನ ಪ್ರಮುಖ ದಾನಿಗಳಾದ ಜಯಶ್ರೀ ರಾಮದಾಸ ಕಾಮತ್‌, ಎಂ. ಪದ್ಮನಾಭ ಪೈ, ಎ.ಕೆ. ಮಂಜುನಾಥ ಶೆಣೈ ಅವರನ್ನು ಟ್ರಸ್ಟಿನ ವತಿಯಿಂದ ಸ್ವಾಮೀಜಿಯವರು ಸಮ್ಮಾನಿಸಿದರು.

ಸಿಎ ಎಂ.ಎನ್‌. ಪೈ ಅವರ ನೇತೃತ್ವ ದಲ್ಲಿ ಸಂಪನ್ಮೂಲ ವ್ಯಕ್ತಿಗಳಾದ ಅಶೋಕ್‌ ಕಾಮತ್‌, ಅಶ್ವತ್ಥ್ ಶೆಣೈ, ವಿದ್ಯಾ ಮಲ್ಯ, ಪ್ರತೀûಾ ಪೈ, ಶ್ರೀಕಾಂತ್‌ ಶೆಣೈ, ಅತುಲ್‌ ಕುಡ್ವಾ, ಡಾ| ಪುಷ್ಪಾ ಕಿಣಿ, ಇನ್ಫೋಸಿಸ್‌ ಮುಖ್ಯಸ್ಥ ವಾಸುದೇವ್‌ ಕಾಮತ್‌ ಅವರು ವಿದ್ಯಾರ್ಥಿ ಗಳಿಗೆ ವ್ಯಕ್ತಿತ್ವ ವಿಕಸನದ ಬಗ್ಗೆ ತರಬೇತಿ ನೀಡಿದರು.

ಸುಮಾರು 700 ಮಂದಿ ವಿದ್ಯಾರ್ಥಿ ಗಳಿಗೆ 20 ಲಕ್ಷ ರೂ. ವಿದ್ಯಾರ್ಥಿ ವೇತನ ವಿತರಿಸಲಾಯಿತು. 
ಟ್ರಸ್ಟಿನ ಖಜಾಂಚಿ ಗಣೇಶ್‌ ಪ್ರಸಾದ್‌ ಮಲ್ಯ ವಂದಿಸಿದರು. ಸಿ.ಎ.ಎಂ. ಜಗನ್ನಾಥ್‌ ಕಾಮತ್‌ ಹಾಗೂ ಟಿ. ಅರುಣ್‌ ಪೈ ಕಾರ್ಯಕ್ರಮ ನಿರೂಪಿಸಿದರು.