ಹೊಸ ಸೇತುವೆ ಕಾಮಗಾರಿ : ಹಲವು ರೈಲು ಸಂಚಾರದಲ್ಲಿ ವ್ಯತ್ಯಯ

Team Udayavani, May 6, 2023, 7:00 AM IST

ಮಂಗಳೂರು: ಚರ್ವತ್ತೂರು ಮತ್ತು ನೀಲೇಶ್ವರ ಸ್ಟೇಷನ್‌ ಮಧ್ಯೆ ಹೊಸ ಸೇತುವೆ ಕಾಮಗಾರಿಗಾಗಿ ದಕ್ಷಿಣ ರೈಲ್ವೇ ಕೆಲವು ರೈಲುಗಳ ಸಂಚಾರದಲ್ಲಿ ಬದಲಾವಣೆ ಮಾಡಿದೆ.

ನಂ. 22638 ಮಂಗಳೂರು ಸೆಂಟ್ರಲ್‌-ಡಾ| ಎಂಜಿಆರ್‌ ಚೆನ್ನೈ ಸೆಂಟ್ರಲ್‌ ವೆಸ್ಟ್‌ಕೋಸ್ಟ್‌ ಎಕ್ಸ್‌ಪ್ರೆಸ್‌ ಮೇ 11ರಂದು ರಾತ್ರಿ 11.45ಕ್ಕೆ ಮಂಗಳೂರು ಸೆಂಟ್ರಲ್‌ನಿಂದ ಹೊರಡುವ ಬದಲು ಮೇ 12ರ ಮುಂಜಾನೆ 2.45ಕ್ಕೆ (3 ಗಂಟೆ ವಿಳಂಬವಾಗಿ) ಹೊರಡುವುದು.

ನಂ.16606 ನಾಗರಕೋವಿಲ್‌ ಜಂಕ್ಷನ್‌- ಮಂಗಳೂರು ಸೆಂಟ್ರಲ್‌ ಎರ್ನಾಡ್‌ ಎಕ್ಸ್‌ ಪ್ರಸ್‌ ರೈಲು ನಾಗರಕೋವಿಲ್‌ ಜಂಕ್ಷನ್‌ನಿಂದ ಮೇ 18ರ ಮುಂಜಾನೆ 2ರ ಬದಲಾಗಿ ಬೆಳಗ್ಗೆ 5ಕ್ಕೆ(3 ಗಂಟೆ ವಿಳಂಬ) ಹೊರಡಲಿದೆ.

ನಂ.19259 ಕೊಚ್ಚುವೇಲಿ ಭಾವನಗರ ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ ರೈಲನ್ನು ಮೇ 12ರಂದು 20 ನಿಮಿಷ ಕಾಲ, ನಂ.16512 ಕಣ್ಣೂರು ಕೆಎಸ್‌ಆರ್‌ ಬೆಂಗಳೂರು ಎಕ್ಸ್‌ಪ್ರೆಸ್‌ ಅನ್ನು ಮೇ 18ರಂದು 1 ಗಂಟೆ ಕಾಲ, ನಂ.16159 ಚೆನ್ನೈ ಎಗೊ¾àರ್‌ ಮಂಗಳೂರು ಸೆಂಟ್ರಲ್‌ ರೈಲನ್ನು ಮೇ 18ರಂದು 1.30 ಗಂಟೆ ಕಾಲ, ನಂ.16650 ನಾಗರಕೋವಿಲ್‌ ಜಂಕ್ಷನ್‌ ಮಂಗಳೂರು ಸೆಂಟ್ರಲ್‌ ಪರಶುರಾಮ್‌ ಎಕ್ಸಪ್ರಸ್‌ ರೈಲನ್ನು ಮೇ 18ರಂದು ಅರ್ಧ ಗಂಟೆ ಕಾಲ, ನಂ.12483 ಕೊಚ್ಚುವೇಲಿ ಅಮೃತಸರ ಎಕ್ಸ್‌ಪ್ರೆಸ್‌ ರೈಲನ್ನು ಮೇ 18ರಂದು 30 ನಿಮಿಷ ಕಾಲ ತಡೆಹಿಡಿಯಲಾಗುವುದು.
ನಂ. 22610 ಕೊಯ ಮತ್ತೂರು ಜಂಕ್ಷನ್‌ ಮಂಗಳೂರು ಸೆಂಟ್ರಲ್‌ ಎಕ್ಸ್‌ಪ್ರೆಸ್‌ ರೈಲು ಮೇ 18ರಂದು ಪಯ್ಯನ್ನೂರು ಮತ್ತು ಮಂಗಳೂರು ಸೆಂಟ್ರಲ್‌ ಮಧ್ಯೆ ಭಾಗಶಃ ರದ್ದಾಗಲಿದೆ. ನಂ.16323 ಕೊಯಮತ್ತೂರು ಜಂಕ್ಷನ್‌-ಮಂಗಳೂರು ಸೆಂಟ್ರಲ್‌ ರೈಲು ಮೇ 18ರಂದು ಚರ್ವತ್ತೂರು ಮಂಗಳೂರು ಸೆಂಟ್ರಲ್‌ ಮಧ್ಯೆ ಭಾಗಶಃ ರದ್ದುಗೊಳ್ಳಲಿದೆ. ಪ್ರಯಾಣಕರು ಬದಲಾವಣೆಯನ್ನು ಗಮನಿಸುವಂತೆ ಪ್ರಕಟನೆ ತಿಳಿಸಿದೆ.