ಮಾಮೇಶ್ವರ ಉಮಾಮಹೇಶ್ವರ ದೇಗುಲ: ಚಪ್ಪರ ಮುಹೂರ್ತ

Team Udayavani, Mar 17, 2017, 2:41 PM IST

ವಿಟ್ಲ : ವಿಟ್ಲ ಸಮೀಪದ ಮಾಮೇಶ್ವರ ಶ್ರೀ ಉಮಾಮಹೇಶ್ವರ ದೇವಸ್ಥಾನದ ಜೀರ್ಣೋದ್ಧಾರ  ಕಾರ್ಯ ಪ್ರಗತಿಯಲ್ಲಿದ್ದು, ಉತ್ತರ ಮುಹೂರ್ತ ಮತ್ತು ಬ್ರಹಕಲಶೋತ್ಸವದ ಸಿದ್ಧತೆಯ ಅಂಗವಾಗಿ ಗುರುವಾರ ಚಪ್ಪರ ಮುಹೂರ್ತ ನೆರವೇರಿಸಲಾಯಿತು. 

ವಿಟ್ಲ ಅರಮನೆಯ ವಿ.ಜನಾರ್ದನ ವರ್ಮ ಅರಸರು ಚಪ್ಪರ ಮುಹೂರ್ತ ನೆರವೇರಿಸಿದರು. ಉದ್ಯಮಿ ಎಸ್‌. ಕೆ. ಆನಂದ, ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷ ಸದಾಶಿವ ಆಚಾರ್ಯ ಕೈಂತಿಲ, ಬ್ರಹ್ಮ ಕಲಶೋತ್ಸವ ಸಮಿತಿ ಅಧ್ಯಕ್ಷ ಕೃಷ್ಣಪ್ರಕಾಶ್‌ ಒಕ್ಕೆತ್ತೂರು, ಸಂಚಾಲಕ ವೀರಪ್ಪ ಗೌಡ ರಾಯರಬೆಟ್ಟು, ಪ್ರಧಾನ ಕಾರ್ಯದರ್ಶಿ ವಿಶ್ವನಾಥ ನಾಯೊ¤ಟ್ಟು, ಗೋವಿಂದ ಭಟ್‌ ನೇಲ್ಯಾರು,  ಪ್ರಧಾನ ಅರ್ಚಕ  ಶ್ರೀರಾಮ ಸಗ್ರಿತ್ತಾಯ, ಉಮಾಮಹೇಶ್ವರ ವಿಶ್ವಸ್ತ ಮಂಡಳಿಯ ಕೆ.ಎಸ್‌. ಸಂಕಪ್ಪ ಗೌಡ ಕೈಂತಿಲ, ಜಗದೀಶ್ಚಂದ್ರ ನಾಯೊ¤ಟ್ಟು, ಪ್ರಚಾರ ಸಮಿತಿ ಸಂಚಾಲಕ ಕರುಣಾಕರ ನಾಯೊ¤ಟ್ಟು  ಮತ್ತಿತರರು ಉಪಸ್ಥಿತರಿದ್ದರು.

ಬ್ರಹ್ಮಕಲಶೋತ್ಸವ ಸಮಿತಿ ಪ್ರಧಾನ ಕಾರ್ಯದರ್ಶಿ ದಿನೇಶ್‌ ಮಾಮೇಶ್ವರ ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು. ಜೀರ್ಣೋದ್ಧಾರ ಸಮಿತಿ ಗೌರವಾಧ್ಯಕ್ಷ ಕೊಂಕೋಡಿ ಪದ್ಮನಾಭ ವಂದಿಸಿದರು.