ಅಪರಿಚಿತ ಗಂಡಸಿನ ಶವ ಪತ್ತೆ

Team Udayavani, May 29, 2018, 9:57 AM IST

ಮಂಗಳೂರು: ನಗರದ ಹೊರವಲಯದ ಬೈಕಂಪಾಡಿ ಎಪಿಎಂಸಿ ಯಾರ್ಡ್‌ನ ಬಳಿಯಲ್ಲಿ ಸುಮಾರು 65- 70 ವರ್ಷ ವಯಸ್ಸಿನ ಅಪರಿಚಿತ ಗಂಡಸಿನ ಶವ ರವಿವಾರ ಪತ್ತೆಯಾಗಿದೆ. 

ಮೃತ ವ್ಯಕ್ತಿ ಕಳೆದೆರಡು ದಿನಗಳಿಂದ ಬೈಕಂಪಾಡಿ ಪರಿಸರದಲ್ಲಿ ಮದ್ಯ ಸೇವಿಸಿ ಸುತ್ತಾಡುತ್ತಿದ್ದನೆಂದು ಪರಿಸರದವರು ತಿಳಿಸಿದ ಹಿನ್ನೆಲೆಯಲ್ಲಿ, ಅತಿಯಾದ ಮದ್ಯ ಸೇವಿಸಿ ಇಲ್ಲವೇ ಯಾವುದೋ ಕಾಯಿಲೆಯಿಂದ ಮೃತಪಟ್ಟಿರಬಹುದು ಎಂದು ಶಂಕಿಸಲಾಗಿದೆ. ಮೃತ ವ್ಯಕ್ತಿ 5 ಅಡಿ 3 ಇಂಚು ಎತ್ತರ, ಎಣ್ಣೆಗಪ್ಪು ಮೈಬಣ್ಣ ಹಾಗೂ ಕಪ್ಪು ಬಿಳಿ ಮಿಶ್ರಿತ ತಲೆಗೂದಲು ಹೊಂದಿದ್ದು, ನೀಲಿ ಗೆರೆಯ ಚೆಕ್ಸ್‌ ಶರ್ಟ್‌, ಕಪ್ಪು ಬಿಳಿ ಹೂವಿನ ಲುಂಗಿ ಧರಿಸಿದ್ದಾರೆ. 

ಮೃತರ ವಾರಸುದಾರರು  ಪಣಂಬೂರು ಪೊಲೀಸ್‌ ಠಾಣೆಗೆ ತಿಳಿಸುವಂತೆ ಕೋರಲಾಗಿದೆ.