ಶ್ರೀ ವೆಂಕಟರಮಣ ದೇವಸ್ಥಾನಕ್ಕೆ ಪರ್ತಗಾಳಿ ಮಠಾಧೀಶರ ಭೇಟಿ

Team Udayavani, May 21, 2023, 7:10 AM IST

ಮಂಗಳೂರು: ನಗರದ ರಥಬೀದಿಯಲ್ಲಿರುವ ಶ್ರೀ ವೆಂಕಟರಮಣ ದೇವಸ್ಥಾನಕ್ಕೆ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಮಠದ ಮಠಾಧೀಶರಾದ ಶ್ರೀಮತ್‌ ವಿದ್ಯಾಧೀಶ ಶ್ರೀಪಾದ ವಡೇರ್‌ ಸ್ವಾಮೀಜಿ ಅವರು ಶನಿವಾರ ಪ್ರಥಮ ಬಾರಿಗೆ ಭೇಟಿ ನೀಡಿದರು.

ಸ್ವಾಮೀಜಿಯವರಿಗೆ ಮಂಗಳೂ ರಿನ ಜಿಎಸ್‌ಬಿ ಸಮಾಜ ಬಾಂಧವರ ವತಿಯಿಂದ ಸಕಲ ಬಿರುದಾವಳಿ ಹಾಗೂ ಪೂರ್ಣ ಕುಂಭ ಸ್ವಾಗತ ಕೋರಲಾಯಿತು. ವಸಂತ ಮಂಟಪ ದಲ್ಲಿ ಮೊಕ್ತೇಸರರಿಂದ ಶ್ರೀಗಳ ಪಾದಪೂಜೆ ನಡೆಯಿತು. ಬಳಿಕ ಶ್ರೀಗಳು ಆಶೀರ್ವಚನ ನೀಡಿದರು. ಭಕ್ತರಿಗೆ ಫಲ ಮಂತ್ರಾಕ್ಷತೆ ನೀಡಿದರು. ರಾತ್ರಿ ಶ್ರೀ ವೀರ ವೆಂಕಟೇಶ ದೇವರ ರಾತ್ರಿ ಪೂಜೆ, ಶ್ರೀ ದೇವರಿಗೆ ಸ್ವಾಮೀಜಿಯವರಿಂದ ಮಹಾ ಮಂಗಳಾರತಿ ನೆರವೇರಿತು.

ಆಡಳಿತ ಮೊಕ್ತೇಸರ ಅಡಿಗೆ ಬಾಲಕೃಷ್ಣ ಶೆಣೈ, ಸಾಹುಕಾರ್‌ ಕಿರಣ್‌ ಪೈ, ಸತೀಶ್‌ ಪ್ರಭು, ಕೆ.ಗಣೇಶ್‌ ಕಾಮತ್‌, ಜಗನ್ನಾಥ್‌ ಕಾಮತ್‌ ಉಪಸ್ಥಿತರಿದ್ದರು.