ವಿಟ್ಲ ಮಾ. ಶಾಲೆಯಲ್ಲಿ ಆಂಗ್ಲ ಮಾಧ್ಯಮ

Team Udayavani, Jun 6, 2019, 6:04 AM IST

ವಿಟ್ಲ ದ.ಕ. ಜಿ.ಪಂ. ಮಾದರಿ ಹಿರಿಯ ಪ್ರಾಥಮಿಕ ಶಾಲೆ.

ವಿಟ್ಲ : ಶತಮಾನೋತ್ತರ ಬೆಳ್ಳಿಹಬ್ಬವನ್ನಾಚರಿಸಿರುವ ವಿಟ್ಲ ದ.ಕ. ಜಿ.ಪಂ. ಮಾ.ಹಿ.ಪ್ರಾ. ಶಾಲೆಯಲ್ಲಿ ಸರ ಕಾರದ ಅನುಮತಿಯೊಂದಿಗೆ ಎಲ್‌ಕೆಜಿ, ಯುಕೆಜಿ ಮತ್ತು 1ನೇ ತರಗತಿ ವರೆಗಿನ ಆಂಗ್ಲ ಮಾಧ್ಯಮ ಶಿಕ್ಷಣ ಆರಂಭಿಸ ಲಾಗಿದೆ. 2018-19ನೇ ಸಾಲಿನಲ್ಲಿ ಸುಮಾರು 1,000 ವಿದ್ಯಾರ್ಥಿಗಳು ಇಲ್ಲಿ ಶಿಕ್ಷಣ ಪಡೆದಿದ್ದು 2019-20ನೇ ಸಾಲಿನಲ್ಲಿಯೂ ಹಿಂದೆ ಬಿದ್ದಿಲ್ಲ.

2018-19ನೇ ಸಾಲಿನಲ್ಲಿ ಎಲ್‌ಕೆಜಿಗೆ 98, ಯುಕೆಜಿಗೆ 95 ಮತ್ತು 1ನೇ ತರಗತಿಗೆ ಕನ್ನಡ ಮಾಧ್ಯಮ ಶಿಕ್ಷಣಕ್ಕೆ 121 ವಿದ್ಯಾರ್ಥಿಗಳು ಸೇರ್ಪಡೆಗೊಂಡಿದ್ದಾರೆ. 2019-20ನೇ ಸಾಲಿನಲ್ಲಿ ಸರಕಾರದ ಅನುಮತಿಯೊಂದಿಗೆ ಆರಂಭಿಸಿದ ಬಳಿಕ ಎಲ್‌ಕೆಜಿಗೆ 146 ವಿದ್ಯಾರ್ಥಿಗಳು, 1ನೇ ತರಗತಿಗೆ ಕನ್ನಡ ಮಾಧ್ಯಮ ಶಿಕ್ಷಣಕ್ಕೆ 59 ಮತ್ತು 1ನೇ ತರಗತಿಗೆ ಆಂಗ್ಲ ಮಾಧ್ಯಮ ಶಿಕ್ಷಣಕ್ಕೆ 121 ವಿದ್ಯಾರ್ಥಿಗಳು ಸೇರ್ಪಡೆಗೊಂಡಿದ್ದಾರೆ.

ಈ ಶಾಲೆಯ ಅಭಿವೃದ್ಧಿ ಸಮಿತಿ ಗೌರವಾಧ್ಯಕ್ಷ ಸುಬ್ರಾಯ ಪೈ ಅವರು ಶಾಲೆಯನ್ನು ದತ್ತು ಸ್ವೀಕರಿಸಿ, ಅಭಿವೃದ್ಧಿಗೆ ಪ್ರಯತ್ನ ಮಾಡಿದ್ದಾರೆ. ಜತೆಗೆ ಹಳೆ ವಿದ್ಯಾರ್ಥಿ, ಕೈಗಾರಿಕೋದ್ಯಮಿ, ಸುಪ್ರಜಿತ್‌ ಫೌಂಡೇಶನ್‌ ಅಧ್ಯಕ್ಷ ಅಜಿತ್‌ ಕುಮಾರ್‌ ರೈ 1.25 ಕೋ. ರೂ. ವೆಚ್ಚದ ಕಟ್ಟಡ, ತರಗತಿಗಳಿಗೆ ಅವಶ್ಯವಿರುವ ಬೆಂಚ್‌-ಡೆಸ್ಕ್ ಒದಗಿಸಿದ್ದಾರೆ.

ಸೌಲಭ್ಯಗಳು
ವಿದ್ಯಾರ್ಥಿಗಳಿಗೆ ಬಸ್‌ ಸೌಲಭ್ಯ ಕಲ್ಪಿಸಲಾಗಿದೆ. ಬೆಳಗಿನ ಉಪಾಹಾರ, ಹಾಲು, ಬಿಸಿಯೂಟ ಸರಕಾರದಿಂದ ಸಿಗುವ ಎಲ್ಲವೂ ಸಿಗುತ್ತದೆ. ಕಳೆದ ವರ್ಷವೂ ಆಂಗ್ಲ ಮಾಧ್ಯಮ ವಿದ್ಯಾರ್ಥಿಗಳಿಗೂ ಇದನ್ನು ನೀಡಲಾಗಿದೆ. 1ರಿಂದ 8ನೇ ತರಗತಿ ವರೆಗೂ ಇಲ್ಲಿ ಶಿಕ್ಷಣ ನೀಡಲಾಗುತ್ತಿದೆ. ಆಂಗ್ಲ ಮಾಧ್ಯಮದಲ್ಲಿ ಪ್ರೌಢಶಾಲೆಯನ್ನು 9, 10ರ ವರೆಗೆ ಮುಂದುವರಿಸಬೇಕೆಂಬ ಆಶಯ ವಿದ್ದರೂ ಸರಕಾರ ಅನುಮತಿ ನೀಡಲಿಲ್ಲ.