ಖಂಡಿಗೆ ನದಿಗೆ ತ್ಯಾಜ್ಯ ಸೇರುವಿಕೆ: ಅಧಿಕಾರಿಗಳ ಭೇಟಿ

Team Udayavani, Jun 16, 2019, 6:35 AM IST

ಚೇಳಾೖರು: ಇಲ್ಲಿನ ಖಂಡಿಗೆಯಲ್ಲಿ ನಂದಿನಿ ನದಿಗೆ ಕಾರ್ಖಾನೆಗಳ ತ್ಯಾಜ್ಯ ಸೇರುತ್ತಿದ್ದು, ಈ ಕುರಿತು ಶನಿವಾರ ದ.ಕ. ಜಿ.ಪಂ. ಆಹಾರ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಪರೀಕ್ಷೆಗಾಗಿ ನೀರಿನ ಮಾದರಿಯನ್ನು ಸಂಗ್ರಹಿಸಲಾಗಿದೆ. ನೀರಿನ ಗುಣಮಟ್ಟಪರೀಕ್ಷಿಸಿ, ಸ್ಥಳೀಯ ಮನೆಗಳ ಬಾವಿಯ ಪರಿಶೀಲನೆ ನಡೆಸಲಾಯಿತು.

ನಂದಿನಿ ನದಿ ಮಾಲಿನ್ಯವಾಗುತ್ತಿರುವ ಕುರಿತು ಸ್ಥಳೀಯ ಪತ್ರಿಕೆಗಳು ವರದಿ ಮಾಡಿದ್ದು, ದ.ಕ. ಜಿಲ್ಲಾ ಪಂಚಾಯತ್‌ ಉಪಾಧ್ಯಕ್ಷೆ ಕಸ್ತೂರಿ ಪಂಜ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದರು. ಮೇಲ್ನೋಟಕ್ಕೆ ಮಾಲಿನ್ಯ ಕಂಡು ಬಂದಿದ್ದು, ಇದರ ಮುಂದುವರಿದ ಭಾಗವಾಗಿ ಜಿಲ್ಲಾ ಪಂಚಾಯತ್‌ ಆಹಾರ ವಿಭಾಗದ ಅಧಿಕಾರಿಗಳಿಗೆ ಪರೀಕ್ಷಿಸಲು ಸೂಚಿಸಿದ್ದರು.

ಪರಿಶೀಲನೆ ವೇಳೆ ಗ್ರಾಮ ಪಂಚಾಯತ್‌ ಅಧ್ಯಕ್ಷ ಜಯಾನಂದ, ಮಾಜಿ ಅಧ್ಯಕ್ಷ ಪುಷ್ಪರಾಜ್‌ ಶೆಟ್ಟಿ, ಆಹಾರ ಇಲಾಖೆ ಅಧಿಕಾರಿ ವೀಣಾ ಉಪಸ್ಥಿತರಿದ್ದರು.