ಮಠಗಳ ಇತಿಹಾಸದಲ್ಲಿ ವಿಶ್ವದಾಖಲೆ: ರಾಘವೇಶ್ವರ ಶ್ರೀ

Team Udayavani, Apr 12, 2019, 6:00 AM IST

ಮಹಾಪಾದುಕಾ ಪೂಜೆಯ ಬಳಿಕ ಶ್ರೀ ರಾಘವೇಶ್ವರಭಾರತೀ ಮಹಾಸ್ವಾಮಿಯವರು ಆಶೀರ್ವಚನ ನೀಡಿದರು.

ವಿಟ್ಲ: ಮಾಣಿ ಮಠದ ಮಣ್ಣು ಮಾಣಿಕ್ಯ. ಇಲ್ಲಿ ಎಸೆದ ಕಲ್ಲು ಕೊಹಿನೂರು ವಜ್ರ. ಇಲ್ಲಿ ಸಹಸ್ರಾರು ಸದ್ಭಾವಗಳ ಸಮಾವೇಶವೇ ಆಗಿದೆ. ಸಾವಿರಾರು ಸುಮಗಳನ್ನು ಸೇರಿಸಿ, ಸಾವಿರಾರು ದೀಪಗಳನ್ನು ಉರಿಸಿ, ಮಹಾಪಾದೂಕಾ ಪೂಜೆ ನೆರವೇರಿಸಲಾಗಿದೆ. ಇದು ಶ್ರೀರಾಮಚಂದ್ರಾಪುರ ಮಠದಲ್ಲಿ, ಮಠಗಳ ಇತಿಹಾಸದಲ್ಲಿ ವಿಶ್ವದಾಖಲೆ ಎಂದು ಶ್ರೀರಾಮಚಂದ್ರಾಪುರ ಮಠದ ಜಗದ್ಗುರು ಶಂಕರಾಚಾರ್ಯ ಶ್ರೀರಾಘವೇಶ್ವರ ಭಾರತೀ ಮಹಾಸ್ವಾಮಿ ವ್ಯಾಖ್ಯಾನಿಸಿದರು.

ಗುರುವಾರ ಮಾಣಿ ಪೆರಾಜೆ ಶ್ರೀರಾಮಚಂದ್ರಾಪುರ ಮಠದಲ್ಲಿ 26ನೇ ಯೋಗಪಟ್ಟಾಭಿಷೇಕ ದಿನದ ಅಂಗವಾಗಿ ನಡೆದ ಮಹಾಪಾದುಕಾ ಪೂಜೆ ಕಾರ್ಯಕ್ರಮದಲ್ಲಿ ಅವರು ಆಶೀರ್ವಚನ ನೀಡಿದರು.

ಪ್ರಸ್ತುತ ತಾಲೂಕಿನಾದ್ಯಂತ 40 ಕೊಳವೆಬಾವಿ ತೆರೆಯಲು ಟಾಸ್ಕ್ಪೋರ್ಸ್‌ ಮುಖೇನ ಮಂಜೂರಾತಿ ಸಿಕ್ಕಿರುವುದರಿಂದ ಈಗಾಗಲೇ ಪಟ್ಟಣ ಹೊರತುಪಡಿಸಿ ತೀರಾ ನೀರಿನ ಅಭಾವ ಇರುವಲ್ಲಿ ಕೊಳವೆಬಾವಿ ಕೊರೆಸಲಾಗುತ್ತಿದೆ.

ಕೆಸರು ತೆಗೆದರೂ ಪ್ರಯೋಜನವಿಲ್ಲ
ಪ.ಪಂ.ನ ಜಾಕ್‌ವೆಲ್‌ ಬಳಿ ಸೋಮಾವತಿ ನದಿಗೆ ತಾತ್ಕಾಲಿಕವಾಗಿ ಕಟ್ಟಿರುವ ಕಟ್ಟದಿಂದ ಈ ಹಿಂದೆ ಪ್ರತಿನಿತ್ಯ ಸುಮಾರು 4 ಲಕ್ಷ ಲೀ.ನಷ್ಟು ನೀರು ತೆಗೆಯಲಾಗುತ್ತಿತ್ತು. ಹೀಗಾಗಿ ನೀರು ನಿಲ್ಲಬೇಕು ಎಂದು ಅಲ್ಲಿನ ಸುತ್ತಮುತ್ತಲ ಕೆಸರನ್ನು ಜೆಸಿಬಿ ಮೂಲಕ ತೆಗೆದರೂ ದೊಡ್ಡ ಪ್ರಯೋಜನವಾಗಿಲ್ಲ.

ಬರೀ 2 ಗಂಟೆ ನೀರು
ಬೇಸಗೆ ಆರಂಭದ ಮೊದಲು ಪ.ಪಂ. ಬೆಳಗ್ಗೆ 6ರಿಂದ ಅಪರಾಹ್ನ 2ರ ವರೆಗೆ ಅಂದರೆ ದಿನಕ್ಕೆ ಒಟ್ಟು 8 ಗಂಟೆಗಳ ಕಾಲ ನೀರು ಪೂರೈಕೆ ಮಾಡುತ್ತಿತ್ತು. ಆದರೆ ಈಗ ನೀರಿನ ಲಭ್ಯತೆ ಆಧಾರದಲ್ಲಿ ಬರೀ 2 ಗಂಟೆ ಮಾತ್ರ ನೀರು ಕೊಡಬೇಕಾದ ಸ್ಥಿತಿ ಬಂದಿದೆ. ಮುಂದಿನ ಎರಡು ತಿಂಗಳು ಮಳೆ ಬಾರದಿದ್ದಲ್ಲಿ ಪರಿಸ್ಥಿತಿ ತೀರ ಬಿಗಡಾಯಿಸುವ ಸಾಧ್ಯತೆ ಆಲ್ಲಗೆಳೆಯುವಂತಿಲ್ಲ.

ಪಾದುಕಾ ಪೂಜೆಗೆ 4,414 ಮಂದಿ
102 ವಲಯಗಳ 4,414 ಮಂದಿ ಮಹಾಪಾದುಕಾ ಪೂಜೆಯ ಆಕಾಂಕ್ಷಿಗಳಾಗಿದ್ದರು. ಪ್ರಾತಃಕಾಲ 6ರಿಂದ ಪಾದುಕಾ ಪೂಜ ಕಾರ್ಯವನ್ನು ಮೂರು ಹಂತಗಳ‌ಲ್ಲಿ ನಡೆಸಲಾಯಿತು. 5 ಸಾವಿರಕ್ಕೂ ಅಧಿಕ ಮಂದಿ ಕುಟುಂಬ ಸಮೇತರಾಗಿ ಧಾರ್ಮಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು. ಮಹಾಪಾದುಕಾ ಪೂಜೆಯಲ್ಲಿ ಸಂಗ್ರಹವಾದ ಮೊತ್ತದ ಒಂದು ಅಂಶವಾಗಿ 22.07 ಲಕ್ಷ ರೂ. ಅನ್ನು ಶ್ರೀಸಂಸ್ಥಾನದವರಿಗೆ ಸಮಿತಿಯ ಪದಾಧಿಕಾರಿಗಳು ಹಸ್ತಾಂತರಿಸಿದರು.