ಯೋಗ ನಮಸ್ಕಾರ, ಹನುಮಾನ್‌ ಚಾಲಿಸ್‌ ಪಠಣ

Team Udayavani, Apr 2, 2018, 9:50 AM IST

ಮಹಾನಗರ: ಕುದ್ರೋಳಿ  ಶ್ರೀ ಗೋಕರ್ಣನಾಥೇಶ್ವರ ದೇವಸ್ಥಾನದಲ್ಲಿ ಎಸ್‌. ಪಿ.ವೈ.ಎಸ್‌.ಎಸ್‌. ಯೋಗ ಸಮಿತಿಯ ವತಿಯಿಂದ ರವಿವಾರ ಬೆಳಗ್ಗೆ 5 ಗಂಟೆಯಿಂದ 7.30ರ ವರೆಗೆ ಹನುಮ ಜಯಂತಿ ಪ್ರಯುಕ್ತ ಯೋಗ ಹನುಮಾನ್‌ ನಮಸ್ಕಾರ ಹಾಗೂ ಹನುಮಾನ್‌ ಚಾಲಿಸ್‌ ಪಠಣ ಕಾರ್ಯಕ್ರಮ ನಡೆಯಿತು.

ಬೆಳಕು ಹರಿಯುವ ಮುನ್ನವೇ ಆಗಮಿಸಿದ ಯೋಗಬಂಧುಗಳು ದೇವಾಲಯದ ಸುತ್ತಲೂ ಸಾಲಾಗಿ ಕುಳಿತು ನಮಸ್ಕಾರ ಸಲ್ಲಿಸಿದರು. ಹನುಮಾನ್‌ ಮಂದಿರದ ಎದುರಿಗೆ ಹನುಮಾನ್‌ ಚಾಲಿಸ ಪಠಿಸಿದರು. ಸಾವಿರಾರು ಮಂದಿ ಭಕ್ತರು ಭಾಗವಹಿಸಿದರು.

ಕಾರ್ಯಕ್ರಮವನ್ನು ಜಿಲ್ಲಾ ಸಂಚಾಲಕ ಹರೀಶ್‌ ಕೋಟ್ಯಾನ್‌, ಪ್ರಾಂತ ಸಂಚಾಲಕರಾದ ರವೀಶ್‌ ಕುಮಾರ್‌, ನ್ಯಾಯವಾದಿ ಪದ್ಮರಾಜ್‌, ದೇವಸ್ಥಾನದ ಪ್ರಬಂಧಕ ವಿನಿತ್‌ ಹಾಗೂ ಬಾಲಕೃಷ್ಣ ಇವರು ದೀಪ ಬೆಳಗಿಸುವುದರೊಂದಿಗೆ ಉದ್ಘಾಟಿಸಿದರು.

ಜಿಲ್ಲಾ ಸಂಯೋಜಕರಾದ ಹರೀಶ್‌ ಗರೋಡಿ, ಪ್ರಾಂತ ಸೇವಾ ಪ್ರಮುಖರಾದ ಶಿವಾನಂದ, ಜಿಲ್ಲಾ ಪ್ರಮುಖ ಚಂದ್ರಶೇಖರ, ವಲಯ ಸಂಚಾಲಕ ಜಯಪ್ರಕಾಶ್‌, ಲಲನ್‌ ಕುಮಾರ್‌, ಪ್ರತಾಪ್‌, ಗೋಕುಲ್‌, ಅಶೋಕ್‌, ರಾಮಕೃಷ್ಣ, ಮಹಿಳಾ ಸಂಚಾಲಕಿ ಪ್ರಭಾವತಿ, ಲಲಿತಾ ಸಲಹೆ ಸೂಚನೆ ನೀಡಿದರು. ದಿವಸ್ಪತಿ ಸುರತ್ಕಲ್‌ ಕಾರ್ಯಕ್ರಮ ನಿರೂಪಿಸಿದರು.