ಗ್ರಾಪಂ ಅಧ್ಯಕ್ಷ-ಉಪಾಧ್ಯಕ್ಷರಾಯ್ಕೆ

Team Udayavani, Feb 7, 2021, 3:36 PM IST

ಹೊನ್ನಾಳಿ: ತಾಲೂಕಿನ ಕುಂದೂರು ಗ್ರಾಪಂ ಅಧ್ಯಕ್ಷರಾಗಿ ಜಿಲ್ಲಾ ರೈತ ಮುಖಂಡ ಚಿದಾನಂದಮೂರ್ತಿ ಹಾಗೂ ಉಪಾಧ್ಯಕ್ಷೆಯಾಗಿ ಬಿ.ಎಂ. ಲತಾ ಆಯ್ಕೆಯಾಗಿದ್ದಾರೆ. ಬಿಸಿಎಂ “ಅ’ ವರ್ಗಕ್ಕೆ ಮೀಸಲಾಗಿದ್ದ ಅಧ್ಯಕ್ಷ ಸ್ಥಾನಕ್ಕೆ ಚಿದಾನಂದಮೂರ್ತಿ ಮತ್ತು ರೇಣುಕಮ್ಮ ನಾಮಪತ್ರ ಸಲ್ಲಿಸಿದ್ದರು.

ಸಾಮಾನ್ಯ ಮಹಿಳೆಗೆ ಮೀಸಲಾಗಿದ್ದ ಉಪಾಧ್ಯಕ್ಷ ಸ್ಥಾನಕ್ಕೆ ಬಿ.ಎಂ. ಲತಾ ಮತ್ತು ನುಸ್ರತ್‌ ಜಬೀನ್‌ ನಾಮಪತ್ರ ಸಲ್ಲಿಸಿದ್ದರು. ಅಂತಿಮವಾಗಿ ಅಧ್ಯಕ್ಷರಾಗಿ ಚಿದಾನಂದಮೂರ್ತಿ ಹಾಗೂ ಉಪಾಧ್ಯಕ್ಷೆಯಾಗಿ ಬಿ.ಎಂ. ಲತಾ ಚುನಾಯಿತರಾದರು. ಪಿಎಸ್‌ಐ ಬಸನಗೌಡ ಬಿರಾದಾರ, ಚುನಾವಣಾಧಿ ಕಾರಿ, ಅಕ್ಷರ ದಾಸೋಹ ಸಹಾಯಕ ನಿರ್ದೇಶಕ ಕೆ.ಆರ್‌. ರುದ್ರಪ್ಪ, ತಾಪಂ ಸ್ಥಾಯಿ ಸಮಿತಿ ಅಧ್ಯಕ್ಷ ಎಚ್‌. ತಿಪ್ಪೇಶ್‌, ಮುಖಂಡ ಎಂ.ಪಿ. ರಾಜು, ಕುಂದೂರು ಗ್ರಾಪಂ ಸದಸ್ಯರಾದ ರಹಮತ್‌ ಉಲ್ಲಾ, ಮಂಜುಳಾ ಮಲ್ಲಿಕಾರ್ಜುನಸ್ವಾಮಿ, ರೇಖಮ್ಮ ರೇವಣಸಿದ್ದಪ್ಪ, ರತ್ನಮ್ಮ ಕರಿಬಸಪ್ಪ, ಆಂಜನೇಯ, ಪ್ರಸನ್ನಕುಮಾರ್‌, ಧನಂಜಯ, ಪಿಡಿಒ ಎಚ್‌.ಆರ್‌. ರುಬಿನಾಜ್‌, ಸಿಬ್ಬಂದಿ ಇದ್ದರು. ಉದ್ಯೋಗ ಖಾತ್ರಿ ಯೋಜನೆಯನ್ನು ಜನಸ್ನೇಹಿಯಾಗಿಸಲು ಶ್ರಮಿಸುತ್ತೇನೆ.

ಗ್ರಾಪಂನ ಎಲ್ಲಾ ಸದಸ್ಯರ ಸಹಕಾರ ಪಡೆದು ಉತ್ತಮವಾಗಿ ಕಾರ್ಯನಿರ್ವಹಿಸುವುದಾಗಿ ನೂತನ ಅಧ್ಯಕ್ಷ ಚಿದಾನಂದಮೂರ್ತಿ ತಿಳಿಸಿದರು.

ಓದಿ : ನಮ್ಮ ಸರ್ಕಾರ ಡಕೋಟಾ ಬಸ್ ಅಲ್ಲ ಶರವೇಗದ ಜೆಟ್ ವಿಮಾನ: ಸಚಿವ ಶ್ರೀರಾಮುಲು