ಸಿದ್ಧಗಂಗಾ ಕ್ಷೇತ್ರಕ್ಕೆ 1,111 ಕಿಲೋ ಅಕ್ಕಿ ರವಾನೆ

Team Udayavani, Jan 30, 2019, 6:13 AM IST

ದಾವಣಗೆರೆ: ತ್ರಿವಿಧ ದಾಸೋಹಿ ತುಮಕೂರಿನ ಶ್ರೀ ಸಿದ್ಧಗಂಗಾ ಶಿವಕುಮಾರ ಸ್ವಾಮೀಜಿ ಅವರ 11ನೇ ದಿನದ ಪುಣ್ಯಾರಾಧನೆ ಅಂಗವಾಗಿ ನಗರದ ಸಿದ್ಧಗಂಗಾ ಶಾಲೆಯಲ್ಲಿ ಬುಧವಾರ 11,111 ಕಿ.ಲೋ ಅಕ್ಕಿ ಸಂಗ್ರಹಿಸಿ, ವಿಶೇಷ ಪೂಜೆ ಸಲ್ಲಿಸಿ ಲಾರಿ ಮೂಲಕ ಸಿದ್ಧಗಂಗಾ ಕ್ಷೇತ್ರಕ್ಕೆ ರವಾನಿಸಲಾಯಿತು.

ಶಾಲೆಯ ಆಡಳಿತ ಮಂಡಳಿ, ವಿದ್ಯಾರ್ಥಿಗಳು, ಪೋಷಕರು, ಹಿರಿಯ ವಿದ್ಯಾರ್ಥಿಗಳು, ಭಕ್ತರು ಒಟ್ಟಾಗಿ 449 ಪ್ಯಾಕೆಟ್ ಅಕ್ಕಿ ಸಂಗ್ರಹಿಸಿ ನೀಡಿದರು. ಪ್ರಭಾಕರ್‌, ಸುರೇಶ್‌ ಸಹೋದರರು ಶ್ರೀ ಮಠಕ್ಕೆ ತರಕಾರಿ ತುಂಬಿದ ಬುಟ್ಟಿಗಳನ್ನು ಅರ್ಪಿಸಿದರು. ಕೆ.ಜಿ.ಎನ್‌ ಟ್ರಾನ್ಸ್‌ಪೋರ್ಟ್‌ ನೂರುಲ್ಲಾ ಖಾನ್‌ ದಾಸೋಹ ಸಾಮಗ್ರಿಯನ್ನು ಶ್ರೀಮಠಕ್ಕೆ ತಲುಪಿಸಲು ವಾಹನ ವ್ಯವಸ್ಥೆ ಕಲ್ಪಿಸಿದ್ದರು.

ಸಿದ್ಧಗಂಗಾ ವಿದ್ಯಾಸಂಸ್ಥೆಯ ಸಂಸ್ಥಾಪಕ ಎಂ.ಎಸ್‌. ಶಿವಣ್ಣ, ಶಾಲಾ ಮುಖ್ಯಶಿಕ್ಷಕಿ ಜಸ್ಟಿನ್‌ ಡಿಸೋಜಾ, ಪ್ರಾಂಶುಪಾಲ ಹೇಮಂತ್‌, ನಿರ್ದೇಶಕ ಜಯಂತ್‌, ಹಿರಿಯ ವಿದ್ಯಾರ್ಥಿಗಳಾದ ಅಜ್ಜಪ್ಪ, ಸಿದ್ದೇಶ್‌, ಮನೋಹರ್‌, ಹರ್ಷ, ಶಾಲಾ ವಿದ್ಯಾರ್ಥಿಗಳು ಈ ಸಂದರ್ಭದಲ್ಲಿ ಇದ್ದರು.