ಪಿಯು ಮೌಲ್ಯಮಾಪನ ಆರಂಭ

Team Udayavani, May 30, 2020, 7:26 AM IST

ದಾವಣಗೆರೆ: ಕೋವಿಡ್, ಲಾಕ್‌ಡೌನ್‌ ನಡುವೆಯೇ ದಾವಣಗೆರೆಯಲ್ಲಿ ಶುಕ್ರವಾರದಿಂದ ದ್ವಿತೀಯ ಪಿಯುಸಿ ಉತ್ತರಪತ್ರಿಕೆಗಳ ಮೌಲ್ಯಮಾಪನಾ ಕಾರ್ಯ ಪ್ರಾರಂಭವಾಯಿತು.

ದಾವಣಗೆರೆ ಕೇಂದ್ರದಲ್ಲಿ ಐಚ್ಛಿಕ ಕನ್ನಡ ಮತ್ತು ಶಿಕ್ಷಣಶಾಸ್ತ್ರ ಉತ್ತರ ಪತ್ರಿಕೆಗಳ ಮೌಲ್ಯಮಾಪನಾ ಕಾರ್ಯ ನಡೆಯುತ್ತಿದೆ. ಬಾಗಲಕೋಟೆ, ಹಾವೇರಿ ಒಳಗೊಂಡಂತೆ ವಿವಿಧ ಭಾಗಗಳಿಂದ 65 ಉಪನ್ಯಾಸಕರು ಮೌಲ್ಯಮಾಪನಾ ಕಾರ್ಯಕ್ಕೆ ಹಾಜರಾಗಿದ್ದರು. ದೂರದ ಊರುಗಳಿಂದ ಆಗಮಿಸಿರುವ ಉಪನ್ಯಾಸಕಿ ಯರಿಗೆ ಪಿಜಿ ವ್ಯವಸ್ಥೆ ಮಾಡಲಾಗಿದೆ. ಕೋವಿಡ್‌-19 ಮಾರ್ಗಸೂಚಿ ಅನ್ವಯ ಮೌಲ್ಯಮಾಪನಾ ಕೇಂದ್ರಗಳಲ್ಲಿ ಮಾಸ್ಕ್, ಸ್ಯಾನಿಟೈಸರ್‌, ಹ್ಯಾಂಡ್‌ ವಾಶ್‌ ಒಳಗೊಂಡಂತೆ ಅಗತ್ಯ ಸುರಕ್ಷಾ ಕ್ರಮ ತೆಗೆದುಕೊಳ್ಳಲಾಗಿದೆ. ಮೌಲ್ಯಮಾಪನಾ ಕೇಂದ್ರದಲ್ಲೇ ಊಟ, ಕುಡಿಯುವ ನೀರಿನ ವ್ಯವಸ್ಥೆ ಮಾಡಲಾಗಿದೆ.