ಮತ್ತೆ ಮೂವರಿಗೆ ಕೋವಿಡ್: 13 ಮಂದಿ ಬಿಡುಗಡೆ

Team Udayavani, Jun 14, 2020, 8:29 AM IST

ದಾವಣಗೆರೆ: ದಾವಣಗೆರೆಯಲ್ಲಿ ಶನಿವಾರ ಮತ್ತೆ ಮೂವರಲ್ಲಿ ಕೋವಿಡ್ ಸೋಂಕು ಕಾಣಿಸಿಕೊಂಡಿದೆ. ರೋಗಿ ನಂಬರ್‌ 5819ರ ಸಂಪರ್ಕದಿಂದ 16 ವರ್ಷದ ಬಾಲಕ(ರೋಗಿ ನಂಬರ್‌ 6575), 24 ವರ್ಷದ ಯುವತಿ (ರೋಗಿ ನಂಬರ್‌ 6576) ಯಲ್ಲಿ ಸೋಂಕು ಕಾಣಿಸಿಕೊಂಡಿದೆ. ರೋಗಿ ನಂಬರ್‌ 6040ರ ಸಂಪರ್ಕದಿಂದ 12 ವರ್ಷದ ಬಾಲಕ (ರೋಗಿ ನಂಬರ್‌6577)ನಲ್ಲಿ ಸೋಂಕು ದೃಢಪಟ್ಟಿದೆ. ಕೊರೊನಾದಿಂದ ಗುಣುಮುಖರಾದ 13 ಜನರು ಶನಿವಾರ ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಆಗಿದ್ದಾರೆ.

ಇದುವರೆಗೆ 184 ಸೋಂಕಿತರು ಬಿಡುಗಡೆಯಾದಂತಾಗಿದೆ. ಕೋವಿಡ್ ದಿಂದ ಗುಣಮುಖರಾದ 086, 4089, 837, 4836, 4839, 4841, 5302, 5307, 5305, 5314, 5304 ಸೇರಿದಂತೆ ಒಟ್ಟು 13 ಜನ ಸೋಂಕಿತರು ಶನಿವಾರ ಬಿಡುಗಡೆಯಾದವರು. ಶನಿವಾರ 10 ಜನರು ಸೇರಿ ಇದುವರೆಗೆ 966 ಜನರು ಅವಲೋಕನದಲ್ಲಿದ್ದಾರೆ. 3 ಜನರು ಸೇರಿ 677 ಜನರು ಹೋಂ ಕ್ವಾರಂಟೈನ್‌, 87 ಜನರು ಸಾಂಸ್ಥಿಕ ಕ್ವಾರಂಟೈನ್‌ನಲ್ಲಿದ್ದಾರೆ. 10 ಜನರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. 673 ಜನರು ಆಸ್ಪತ್ರೆಯಲ್ಲಿದ್ದಾರೆ. ನಿನ್ನೆ 292 ಜನರ ಗಂಟಲು ದ್ರವ ಮಾದರಿ ಸಂಗ್ರಹಿಸಲಾಗಿತ್ತು. 330 ಗಂಟಲು ದ್ರವ ಮಾದರಿ ವರದಿ ನೆಗೆಟಿವ್‌ ಬಂದಿದೆ. 11,848 ಗಂಟಲು ದ್ರವ ಮಾದರಿಯಲ್ಲಿ 11,202 ಮಾದರಿಗಳ ಫಲಿತಾಂಶ ನೆಗೆಟಿವ್‌ ಬಂದಿದ್ದು, 420 ಮಾದರಿಗಳ ವರದಿ ಬರಬೇಕಾಗಿದೆ. ಒಟ್ಟು 226 ಪ್ರಕರಣಗಳಲ್ಲಿ ಇದುವರೆಗೆ 184 ಜನರು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಆರು ಜನರು ಮೃತಪಟ್ಟಿದ್ದಾರೆ. 36 ಸಕ್ರಿಯ ಪ್ರಕರಣಗಳಿವೆ.