ದೂರು ಕೊಟ್ಟವರ ತರ ರೆಡಿಮೇಡ್‌ ಫುಡ್‌ ನಾನಲ್ಲ: ರೇಣುಕಾಚಾರ್ಯ

Team Udayavani, Feb 3, 2022, 3:54 PM IST

ದಾವಣಗೆರೆ: ಕ್ಷೇತ್ರದ ಜನಪರ ಹೋರಾಟದಿಂದಲೇಮೂರು ಬಾರಿ ಶಾಸಕನಾಗಿದ್ದೇನೆ. ನನ್ನ ವಿರುದ್ಧದೂರು ನೀಡುವವರ ಬಗ್ಗೆ ತಲೆ ಕೆಡಿಸಿಕೊಳ್ಳುವುದೇಇಲ್ಲ. ನಾನೇನು ರೆಡಿಮೇಡ್‌ ಫುಡ್‌ ಅಲ್ಲಎಂದು ಮುಖ್ಯಮಂತ್ರಿಗಳ ರಾಜಕೀಯಕಾರ್ಯದರ್ಶಿ ರೇಣುಕಾಚಾರ್ಯ ತಿರುಗೇಟುನೀಡಿದ್ದಾರೆ.

ಬುಧವಾರ ಸುದ್ದಿಗಾರರೊಂದಿಗೆಮಾತನಾಡಿದ ಅವರು, ಯಾರು ನನ್ನ ವಿರುದ್ಧದೂರು ಕೊಟ್ಟಿದ್ದಾರೋ ಅವರು ಎಂಟಿಆರ್‌ ರೀತಿರೆಡಿಮೇಡ್‌ ಫುಡ್‌ ಇರಬೇಕು. ಆದರೆ ನಾನುಎಂಟಿಆರ್‌ ಫುಡ್‌ ಅಲ್ಲ ಎಂದರು.ನಾನು ಪಕ್ಷ, ಸಂಘಟನೆ, ಸರ್ಕಾರ, ನಾಯಕತ್ವದ ವಿರುದ್ಧ ಮಾತನಾಡಿಯೇ ಇಲ್ಲ. ಯಾರು ನಮ್ಮಕೆಲಸ ಕಾರ್ಯಗಳನ್ನು ಮಾಡಿಕೊಟ್ಟಿಲ್ಲವೋ ಅವರಬಗ್ಗೆ ಯಾರ ಗಮನಕ್ಕೆ ತರಬೇಕೋ ತಂದಿದ್ದೇನೆ.

ನನ್ನವಿರುದ್ಧ ದೂರು ನೀಡಿದರೂ ಚಿಂತೆ ಇಲ್ಲ ಎಂದರು.ಕೆಲವು ಸಚಿವರು ನಮ್ಮ ಕೆಲಸ ಕಾರ್ಯಗಳನ್ನುಮಾಡಿಕೊಡುವುದಿಲ್ಲ ಎಂಬುದನ್ನು ಮುಖ್ಯಮಂತ್ರಿಬಸವರಾಜ ಬೊಮ್ಮಾಯಿ, ರಾಜ್ಯ ಉಸ್ತುವಾರಿಅರುಣ್‌ ಸಿಂಗ್‌, ರಾಜ್ಯಾಧ್ಯಕ್ಷ ನಳಿನ್‌ಕುಮಾರ್‌ಕಟೀಲ್‌ ಅವರ ಗಮನಕ್ಕೆ ತಂದಿದ್ದೇನೆ.ಇದರಲ್ಲಿ ಯಾವುದೇ ಮುಚ್ಚುಮರೆ ಇಲ್ಲ.ಯಾರ ವಿರುದ್ಧವೂ ಟೀಕೆ ಮಾಡಿಲ್ಲ.

ಲಿಖೀತದೂರನ್ನೂ ನೀಡಿಲ್ಲ ಎಂದು ಸ್ಪಷ್ಟಪಡಿಸಿದರು.ನಾನು ಹಾದಿಬೀದಿಯಲ್ಲಿ ಮಾತನಾಡಿಲ್ಲ. ಎಲ್ಲಿಹೇಳಬೇಕೋ ಹೇಳಿದ್ದೇನೆ. ಒಂದು ವೇಳೆ ನಾನುಪಕ್ಷದ ವಿರುದ್ಧವಾಗಿ ಮಾತನಾಡಿದ್ದರೆ ಅವರು ಏನೇಕ್ರಮ ಕೈಗೊಂಡರೂ ಸಾಮಾನ್ಯ ಕಾರ್ಯಕರ್ತನಾಗಿಎದುರಿಸಲು ಸಿದ್ಧನಿದ್ದೇನೆ. ಪಕ್ಷಕ್ಕೆ ಕೆಟ್ಟ ಹೆಸರು ತರುವಕೆಲಸ ಮಾಡುತ್ತಿಲ್ಲ ಎಂದು ತಿಳಿಸಿದರು.