ಮಂಗಳೂರು ಚಲೋಗೆ ಪೈಪೋಟಿ ಏಕೆ?: ದೇವೇಗೌಡ

Team Udayavani, Sep 6, 2017, 9:20 AM IST

ದಾವಣಗೆರೆ: ಮಂಗಳೂರು ಚಲೋ ವಿಷಯವಾಗಿ ಕಾಂಗ್ರೆಸ್‌ ಮತ್ತು ಬಿಜೆಪಿಯವರು ಯಾವ ಪುರುಷಾರ್ಥಕ್ಕಾಗಿ ಪೈಪೋಟಿ ನಡೆಸುತ್ತಿ ದ್ದಾರೆ ಎಂಬುದೇ ಅರ್ಥವಾಗಿಲ್ಲ ಎಂದು ಮಾಜಿ ಪ್ರಧಾನಿ ಎಚ್‌.ಡಿ. ದೇವೇಗೌಡ ಹೇಳಿದ್ದಾರೆ. ಮಂಗಳೂರು ಅತಿ ಸೂಕ್ಷ್ಮಪ್ರದೇಶ. ಮಂಗಳೂರು ಚಲೋ ಹೆಸರಲ್ಲಿ ಬೈಕ್‌ ರ್ಯಾಲಿ ಹಮ್ಮಿಕೊಂಡಿರುವ ಬಿಜೆಪಿಯವರು ರಾಷ್ಟ್ರ, ರಾಜ್ಯಕ್ಕೆ ಯಾವ ಸಂದೇಶ ಕೊಡಲು ಬಯಸಿದ್ದಾರೆ. ಕಾಂಗ್ರೆಸ್‌ನವರು ಯಾವ ಕಾರಣಕ್ಕೆ ಆ ರ್ಯಾಲಿ ತಡೆಯಲಿಕ್ಕೆ ಹೊರಟಿದ್ದಾರೆ ಎಂಬುದೇ ಅರ್ಥವಾಗುತ್ತಿಲ್ಲ. ಇದೆಲ್ಲ ನಡೆಯುತ್ತಿರುವುದು ಅತಿ ದುರಂತ. ಎರಡು ರಾಷ್ಟ್ರೀಯ ಪಕ್ಷಗಳ ಈ ಪೈಪೋಟಿಯು ಮುಂದೆ ಭಾರೀ ದುಷ್ಪರಿಣಾಮ ಉಂಟು ಮಾಡಲಿದೆ. ಅದಕ್ಕೆ ಎರಡೂ ಪಕ್ಷಗಳು ತಕ್ಕ ಬೆಲೆ ತೆರಬೇಕಾಗುತ್ತದೆ. ಇದೆಲ್ಲವನ್ನೂ ಸೂಕ್ಷ್ಮವಾಗಿ ಗಮನಿಸುತ್ತಿರುವ ರಾಜ್ಯದ ಜನ ತಕ್ಕ ಪಾಠ ಕಲಿಸಲಿದ್ದಾರೆ ಎಂದು ತಿಳಿಸಿದ್ದಾರೆ.