ಕಿರಿಯ ವೈದ್ಯರ ಪ್ರತಿಭಟನೆ

Team Udayavani, Oct 22, 2019, 11:20 AM IST

ದಾವಣಗೆರೆ: ಕರ್ತವ್ಯ ನಿರತ ಕಿರಿಯ ವೈದ್ಯರ ಮೇಲೆ ಹಲ್ಲೆ ನಡೆಸಿದವರ ವಿರುದ್ಧ ಸೂಕ್ತ ಕ್ರಮಕ್ಕೆ ಒತ್ತಾಯಿಸಿ ಸೋಮವಾರ ಜಿಲ್ಲಾ ಚಿಗಟೇರಿ ಆಸ್ಪತ್ರೆ ಎದುರು ಕಿರಿಯ ವೈದ್ಯರು ಪ್ರತಿಭಟನೆ ನಡೆಸಿದರು.

ಕಳೆದ ಶನಿವಾರ ಡಾ| ರಾಚಪ್ಪ ಎಂಬುವರ ಮೇಲೆ ದಾವಣಗೆರೆಯ ವಿಜಯ್‌ ಮತ್ತವರ ಗೆಳೆಯ ಅವಾಚ್ಯ ಶಬ್ದಗಳಿಂದ ನಿಂದಿಸಿ, ಹಲ್ಲೆ ನಡೆಸಿದ್ದಾರೆ. ಸಂಬಂಧಿತರ ವಿರುದ್ಧ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕು ಎಂದು ಒತ್ತಾಯಿಸಿದರು. ಡಾ| ರಾಚಪ್ಪ ಕರ್ತವ್ಯದಲ್ಲಿದ್ದ ಸಂದರ್ಭದಲ್ಲಿ ರಸ್ತೆ ಅಪಘಾತದಲ್ಲಿ ಗಾಯಗೊಂಡಿದ್ದ ಸಂತೋಷ್‌ ಎಂಬಾತ ಚಿಕಿತ್ಸೆಗೆ ಬಂದಿದ್ದಾರೆ.

ಓಪಿಡಿ ಕಾರ್ಡ್‌ ಮಾಡಿಸಿಕೊಂಡು ಬರುವಂತೆ ಡಾ| ರಾಚಪ್ಪ ತಿಳಿಸಿದ್ದಾರೆ. ಕೆಲ ಹೊತ್ತಿನ ನಂತರ ಬಂದಂತಹ ಸಂತೋಷ್‌ ಇತರರು ಓಪಿಡಿ ಕಾರ್ಡ್‌ ಕೊಡುವಂತೆ ಒತ್ತಾಯಿಸಿದ್ದಾರೆ. ನನ್ನ ಬಳಿ ನಿಮ್ಮ ಓಪಿಡಿ ಕಾರ್ಡ್‌ ಇಲ್ಲ ಎಂಬುದಾಗಿ ಡಾ| ರಾಚಪ್ಪ ಎಷ್ಟೇ ಹೇಳಿದರೂ ಹಲ್ಲೆ ನಡೆಸಿದ್ದಾರೆ ಎಂದು ದೂರಿದರು. ತಪ್ಪಿತಸ್ಥರ ವಿರುದ್ಧ ಸೂಕ್ತ ಕ್ರಮ ತೆಗೆದುಕೊಳ್ಳುವ ಜೊತೆಗೆ ಅಗತ್ಯ ರಕ್ಷಣೆ ನೀಡಬೇಕು ಎಂದು ಒತ್ತಾಯಿಸಿದರು.