2018ರ ಮೇನಲ್ಲಿ ಮಹಾಭಾರತ ಚಿತ್ರೀಕರಣ ಪ್ರಾರಂಭ: ಬಿ.ಆರ್‌.ಶೆಟ್ಟಿ

Team Udayavani, Jun 12, 2017, 2:59 PM IST

ದಾವಣಗೆರೆ: ಭಾರತದ ಎಲ್ಲಾ ಭಾಷೆ ಒಳಗೊಂಡಂತೆ ಜಗತ್ತಿನ ಎಲ್ಲಾ ಭಾಷೆಯಲ್ಲಿ ನಿರ್ಮಾಣವಾಗಲಿರುವ
“ಮಹಾಭಾರತ’ ಚಲನಚಿತ್ರದ ಚಿತ್ರೀಕರಣ 2018ರ ಮೇ ತಿಂಗಳಲ್ಲಿ ಅಬುದಾಬಿಯಲ್ಲಿ ಪ್ರಾರಂಭವಾಗಲಿದೆ ಎಂದು ಚಿತ್ರದ ನಿರ್ಮಾಪಕ, ಅನಿವಾಸಿ ಭಾರತೀಯ, ಉದ್ಯಮಿ ಬಿ.ಆರ್‌. ಶೆಟ್ಟಿ ತಿಳಿಸಿದರು.

ಭಾನುವಾರ ಖಾಸಗಿ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಶಾಸಕ ಶಾಮನೂರು ಶಿವಶಂಕರಪ್ಪ, ಕೈಗಾರಿಕೋದ್ಯಮಿ ಎಸ್‌.
ಎಸ್‌. ಗಣೇಶ್‌ ನಿವಾಸಕ್ಕೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಪ್ರಧಾನಿ ಮೋದಿ
ಅವರ ಮಹತ್ವಾಕಾಂಕ್ಷೆಯ ಮೇಕ್‌ ಇನ್‌ ಇಂಡಿಯಾ ಕ್ಕೆ ಕಾಣಿಕೆಯಾಗಿ 1 ಸಾವಿರ ಕೋಟಿ ವೆಚ್ಚದಲ್ಲಿ “ಮಹಾಭಾರತ’ ಚಿತ್ರ ನಿರ್ಮಾಣ ಮಾಡಲಾಗುತ್ತಿದೆ ಎಂದು ತಿಳಿಸಿದರು.

ಭಾರತ ಚಲನಚಿತ್ರ ರಂಗದ ಖ್ಯಾತ ನಟರಾದ ರಜನಿಕಾಂತ್‌, ಮೋಹನ್‌ ಲಾಲ್‌ ಒಳಗೊಂಡಂತೆ ಇಂಗ್ಲಿಷ್‌, ಸ್ಪಾನಿಷ್‌
ಭಾಷೆಗಳ ಖ್ಯಾತ ನಟ-ನಟಿಯರು ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ ಎಂದರು .