1,256 ಜನರಿಂದ ಆಯುಷ್ಮಾನ್‌ ನೋಂದಣಿ

Team Udayavani, Nov 13, 2019, 10:11 AM IST

ಹುಬ್ಬಳ್ಳಿ: ಕೇಂದ್ರದ ಮಾಜಿ ಸಚಿವ ದಿ| ಅನಂತಕುಮಾರ ಪ್ರಥಮ ಪುಣ್ಯಸ್ಮರಣೆ ಅಂಗವಾಗಿ ಆಯೋಜಿಸಿದ್ದ ಶಿಬಿರದಲ್ಲಿ ಆಯುಷ್ಮಾನ್‌ ಭಾರತ ಆರೋಗ್ಯ ಕಾರ್ಡ್‌ಗೆ 1,256 ಜನರು ನೋಂದಣಿ ಮಾಡಿದ್ದರೆ, 1,000ಕ್ಕೂ ಹೆಚ್ಚು ಜನರು ಆರೋಗ್ಯ-ನೇತ್ರ ತಪಾಸಣೆಗೆ ಒಳಗಾದರು. ಸುಮಾರು 500ಕ್ಕೂ ಹೆಚ್ಚು ಜನರು ಕಣ್ಣಿನ ತಪಾಸಣೆ ಮಾಡಿಕೊಂಡಿದ್ದು, 43 ಜನರನ್ನು ಶಸ್ತ್ರಚಿಕಿತ್ಸೆಗೆ ಗುರುತಿಸಲಾಗಿದೆ.

500ಕ್ಕೂ ಹೆಚ್ಚು ಜನ ಉಚಿತ ಆರೋಗ್ಯ ತಪಾಸಣೆ ನಡೆಸಿ ಔಷಧಿವಿತರಿಸಲಾಯಿತು. 500ಕ್ಕೂ ಹೆಚ್ಚು ಜನರು ರಕ್ತಪರೀಕ್ಷೆ ಮಾಡಿಕೊಂಡಿದ್ದು, 22 ಜನರು ರಕ್ತದಾನ ಮಾಡಿದರು. 53ನೇ ಬಾರಿ ರಕ್ತದಾನ ಮಾಡಿದ ಬಿಜೆಪಿ ಧಾರವಾಡ ವಿಭಾಗೀಯಪ್ರಭಾರಿ ಲಿಂಗರಾಜ ಪಾಟೀಲ ಅವರಿಗೆ ಪ್ರಶಂಸನಾ ಪತ್ರ ನೀಡಲಾಯಿತು.

ಇದಕ್ಕೂ ಮೊದಲು ನಡೆದ ಕಾರ್ಯಕ್ರಮದಲ್ಲಿ ವೇದಿಕೆಯಲ್ಲಿದ್ದ ಗಣ್ಯರಿಗೆ “ಅನಂತ ಚೇತನ’ ಹಾಗೂ “ಅನಂತಾನನಂತವಾಗಿ ಸಾಗಿ ಹೋದ ಕರ್ಮಯೋಗಿ’ ಪುಸ್ತಕಗಳನ್ನು ನೀಡಲಾಯಿತು.