ನೂತನ ಕೋರ್ಟ್‌ ಸಂಕೀರ್ಣಕ್ಕೆ ಬಸ್‌ ಸೌಲಭ್ಯ

Team Udayavani, Jul 7, 2019, 2:03 PM IST

ಹುಬ್ಬಳ್ಳಿ: ನೂತನ ಕೋರ್ಟ್‌ ಸಂಕೀರ್ಣದಿಂದ ಆರಂಭವಾದ ನೂತನ ನಗರ ಸಾರಿಗೆ ಸಂಚಾರಕ್ಕೆ ವಕೀಲರ ಸಂಘದ ಅಧ್ಯಕ್ಷ ಅಶೋಕ ಬಳಿಗಾರ ಚಾಲನೆ ನೀಡಿದರು.

ಹುಬ್ಬಳ್ಳಿ: ತಾಲೂಕು ನೂತನ ನ್ಯಾಯಾಲಯಗಳ ಸಂಕೀರ್ಣ ವರೆಗೆ ನೂತನ ನಗರ ಸಾರಿಗೆ ಬಸ್‌ ಸಂಚಾರಕ್ಕೆ ಶನಿವಾರ ಚಾಲನೆ ನೀಡಲಾಯಿತು.

ಸಿಬಿಟಿಯಿಂದ ಹೊಸೂರ ಹಾಗೂ ನೂತನ ನ್ಯಾಯಾಲಯ ಸಂಕೀರ್ಣ ಮುಖಾಂತರ ಲಿಂಗರಾಜ ನಗರಕ್ಕೆ ಆರಂಭವಾದ ಬಸ್‌ ಸಂಚಾರಕ್ಕೆ ವಕೀಲರ ಸಂಘದ ಅಧ್ಯಕ್ಷ ಅಶೋಕ ಬಳಿಗಾರ, ಗುರು ಹಿರೇಮಠ ಚಾಲನೆ ನೀಡಿದರು. ಸಂಘದ ಆಡಳಿತ ಮಂಡಳಿ ಸದಸ್ಯರಾದ ಜೆ.ಪಿ. ಪಾಟೀಲ, ದೇವರಾಜ ಗೌಡರ, ಆರ್‌.ಎಚ್. ಕಾಮಧೇನು, ಬಿ.ವಿ. ಕೋರಿಮಠ, ಮಂಜುನಾಥ ಕಟ್ಟಿ, ಮಹಿಳಾ ಪ್ರತಿನಿಧಿ ಸವಿತಾ ಹಾನಗಲ್ಲ ಮೊದಲಾದವರಿದ್ದರು.

ನೂತನ ನ್ಯಾಯಾಲಯಕ್ಕೆ ಬಸ್‌ ಸಂಚಾರ ಪ್ರಾರಂಭಿಸುವಂತೆ ಆಗ್ರಹಿಸಿ ವಕೀಲರು ಮಂಗಳವಾರ ಕೋರ್ಟ್‌ ಸಂಕೀರ್ಣದ ಎದುರು ಪ್ರತಿಭಟನೆ ನಡೆಸಿದ್ದರು. ಆಗ ಸಾರಿಗೆ ಇಲಾಖೆಯ ಸಂಬಂಧಪಟ್ಟ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಬಸ್‌ ಆರಂಭಿಸುವುದಾಗಿ ಭರವಸೆ ನೀಡಿದ್ದನ್ನು ಸ್ಮರಿಸಬಹುದು.