ಕೃಷಿ ವಿಶ್ವವಿದ್ಯಾಲಯದಲ್ಲಿ ವಿವಿಧ ತಳಿಗಳ ಜಾನುವಾರುಗಳ ಪ್ರದರ್ಶನ

Team Udayavani, Jan 18, 2020, 1:49 PM IST

ಧಾರವಾಡ: ಇಲ್ಲಿನ ಕೃಷಿ ವಿಶ್ವವಿದ್ಯಾಲಯದಲ್ಲಿ ಶನಿವಾರದಿಂದ ಆರಂಭಗೊಂಡಿರುವ ಕೃಷಿ ಮೇಳದ ಎರಡನೇ ಆಕರ್ಷಣೆ ಎಂದರೆ ಅದು ಜಾನುವಾರು ಪ್ರದರ್ಶನ.

ಹೌದು! ಈ ಜಾನುವಾರ ಪ್ರದರ್ಶನದಲ್ಲಿ ವಿವಿಧ ಪ್ರದೇಶದ ಹಾಗೂ ವಿವಿಧ ಜಾತಿಯ ಜಾನುವಾರುಗಳನ್ನು ಪ್ರದರ್ಶನಕ್ಕೆಂದು ತಂದಿರಲಾಗಿರುತ್ತದೆ. ಆದರೆ, ಪ್ರಸಕ್ತ ವರ್ಷ ಕೆಲವೇ ಕೆಲವು ಜಾತಿಯ ಹಾಗೂ ಕೆಲವೇ ಜಾನುವಾರುಗಳು ಪ್ರದರ್ಶನಕ್ಕೆ ಬಂದಿದ್ದು, ಜಾನುವಾರು ಪ್ರಿಯರಿಗೆ ಬೇಸರ ತರಿಸಿದೆ.

ಪಾಕಿಸ್ತಾನದ ಸಿಂಧ ಪ್ರಾಂತದ ಥಾರ್ ಪಾರಕರ್ ಎಂಬ ತಳಿಯ ಆಕಳು, ಕಡಕನಾಥ್ ಎಂಬ ತಳಿಯ ಕೋಳಿ, ಶಿರೋಹಿ, ಜಮುನಾಪುರಿ ಎಂಬ ತಳಿಯ ಆಡುಗಳು, ರಾಜಸ್ಥಾನದ ಎಮ್ಮೆ ತಳಿಗಳು ಮಾತ್ರ ಪ್ರಸಕ್ತ ವರ್ಷ ಕೃಷಿ ಮೇಳಕ್ಕೆ ಬಂದಿವೆ.

ಶನಿವಾರ ಮೊದಲ ದಿನವಾದ್ದರಿಂದ ಇನ್ನೂ ಎರಡು ದಿನ ಕೃಷಿ ಮೇಳ ನಡೆಯಲಿದ್ದು, ನಾಳೆ ಅಥವಾ ನಾಡಿದ್ದು ಮತ್ತಷ್ಟು ಜಾನುವಾರುಗಳು ಪ್ರದರ್ಶನಕ್ಕೆ ಬರಬಹುದು ಎಂಬ ನಿರೀಕ್ಷೆ ಇದೆ.