ಜನ-ವಾಹನ ಸಂಚಾರ ವಿರಳ; ಕರ್ಫ್ಯೂ ಅನುಸರಣೆ ಸರಳ

Team Udayavani, Apr 25, 2021, 12:10 PM IST

ಕಲಘಟಗಿ: ಕೋವಿಡ್ ಎರಡನೇ ಅಲೆ ಹರಡದಂತೆ ತಡೆಗಟ್ಟಲುಜಾರಿಗೊಳಿಸಿರುವ ವೀಕೆಂಡ್‌ ಕರ್ಫ್ಯೂಗೆ ತಾಲೂಕಿನಾದ್ಯಂತ ಶನಿವಾರಉತ್ತಮ ಬೆಂಬಲ ವ್ಯಕ್ತವಾಗಿದ್ದು, ಪಟ್ಟಣ ವ್ಯಾಪ್ತಿಯಲ್ಲಿ ಜನಸಂಚಾರವಿಲ್ಲದೇ ಬೀದಿಗಳು ಬಿಕೋ ಎನ್ನುತ್ತಿದ್ದವು. ಯಾವುದೇ ಸಾರಿಗೆಸಂಪರ್ಕವಿಲ್ಲದೇ ಇಲ್ಲಿನ ಬಸ್‌ ನಿಲ್ದಾಣ ಬಿಕೋ ಎನ್ನುತ್ತಿತ್ತು.

ಮುಂಜಾನೆ10 ಗಂಟೆಯ ನಂತರ ಎಲ್ಲ ಅಂಗಡಿ-ಮುಂಗಟ್ಟುಗಳನ್ನು ಬಂದ್‌ಮಾಡಲಾಗಿತ್ತು. ಪ್ರಯಾಣಿಕರಿಲ್ಲದಿರುವುದರಿಂದ ಇಲ್ಲಿಂದ ಯಾವುದೇಬಸ್‌ ರಸ್ತೆಗಿಳಿಸದಿದ್ದರೂ ಹೊರ ಜಿಲ್ಲೆಗಳ ಕೆಲ ಬಸ್‌ಗಳು ಸಂಚರಿಸುತ್ತಿದ್ದುದುಕಂಡುಬಂತು.

ತಿಂಗಳುಗಳ ಹಿಂದೆಯೇ ನಿಗದಿಯಾಗಿದ್ದ ಮದುವೆಯನ್ನುಕೊರೊನಾ ಮಾರ್ಗಸೂಚಿಯನ್ವಯ ಸರಳವಾಗಿ ಆಚರಿಸುವಂತೆ ಅರಿವುಮೂಡಿಸಲಾಗಿದೆ. ಪಟ್ಟಣ ಹಾಗೂ ತಾಲೂಕಿನಾದ್ಯಂತ ಪೊಲೀಸ್‌, ಆರೋಗ್ಯಇಲಾಖೆ, ಪಪಂ ಹಾಗೂ ಗ್ರಾಪಂ ಅ ಧಿಕಾರಿಗಳು ಹಾಗೂ ಸಿಬ್ಬಂದಿ ಜನಜಾಗೃತಿಮೂಡಿಸುತ್ತಿದ್ದಾರೆ. ಇನ್ಸ್‌ಪೆಕ್ಟರ್‌ ಪ್ರಭು ಸೂರಿನ್‌, ಪಪಂ ಮುಖ್ಯಾಧಿ ಕಾರಿವೈ.ಜಿ. ಗದ್ದಿಗೌಡರ ಸಿಬ್ಬಂದಿಯೊಂದಿಗೆ ಸಂಚರಿಸಿ ಮಾರ್ಗಸೂಚಿಗಳನ್ನುಕಡ್ಡಾಯವಾಗಿ ಪಾಲಿಸುವಂತೆ ತಿಳಿಸಿದರು. ಕಾನೂನು ಉಲ್ಲಂಘಿಸಿದಲ್ಲಿಸೂಕ್ತ ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು ಎಚ್ಚರಿಸಿದರು.