ವಿವಿ ಪ್ಯಾಟ್‌ ಬಳಕೆ ಪ್ರಾತ್ಯಕ್ಷಿ ಕೆ

Team Udayavani, Apr 30, 2018, 5:21 PM IST

ಬೈಲಹೊಂಗಲ: ನ್ಯಾಯ ಸಮ್ಮತ ಮತ್ತು ಪಾರದರ್ಶಕ ಚುನಾವಣೆ ನಡೆಸುವ ನಿಟ್ಟಿನಲ್ಲಿ ಈ ಬಾರಿಯ ಚುನಾವಣೆಯಲ್ಲಿ ಇವಿಎಂಗಳ ಜತೆ ವಿವಿ ಪ್ಯಾಟ್‌ ಯಂತ್ರಗಳನ್ನು ಬಳಸಲಾಗುತ್ತಿದೆ ಎಂದು ಚುನಾವಣಾ ಧಿಕಾರಿ ಬಿಆರ್‌ಪಿ ರಾಮಕೃಷ್ಣ ಮಾದರ ಹೇಳಿದರು.

ತಾಲೂಕಿನ ದೊಡವಾಡ ಗ್ರಾಮದ ಗ್ರಾಮದೇವಿ ದೇವಸ್ಥಾನದ ಆವರಣ ಮತ್ತು ಇನ್ನಿತರ ಸ್ಥಳಗಳಲ್ಲಿ ಶನಿವಾರ ವಿವಿ ಪ್ಯಾಟ್‌ ಯಂತ್ರ ಬಳಕೆಯ ಕುರಿತು ಪ್ರಾತ್ಯಕ್ಷಿಕೆ ಹಾಗೂ ಮತದಾನ ಜಾಗೃತಿಗಾಗಿ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಅವರು ಸಾರ್ವಜನಿಕರಿಗೆ ತಿಳಿವಳಿಕೆ ನೀಡುತ್ತ ಅವರು ಮಾತನಾಡಿ, ಪ್ರತಿಯೊಬ್ಬರೂ ಮತದಾನ ಮಾಡುವುದರೊಂದಿಗೆ ಇತರರನ್ನು ಮತದಾನ ಮಾಡಲು ಪ್ರೇರೆಪಿಸಿಬೇಕು ಎಂದರು.

ಇದೇ ವೇಳೆ ಅಣಕು ಮತದಾನ ನಡೆಸಲಾಯಿತು. ಅಧಿಕಾರಿಗಳಾದ ಬಸವರಾಜ ಬರಮಣ್ಣವರ,ಆರ್‌.ಎಫ್‌ .ಮಾಗಿ, ಎಂ.ಎಫ್‌. ಮಕರವಳ್ಳಿ, ವೈ.ಎನ್‌.ಬೆಳವಡಿ, ಅಂಗನವಾಡಿ ಕಾರ್ಯಕರ್ತೆಯರು, ಸಾರ್ವಜನಿಕರು ಇದ್ದರು.