ಆಮ್ಲಜನಕದ ಮಹತ್ವ ಇನ್ನಾದರೂ ಅರಿಯೋಣ

Team Udayavani, Jun 6, 2021, 5:50 PM IST

ಧಾರವಾಡ: ಕೊರೊನಾದಿಂದ ಉಸಿರಾಟ ಸಮಸ್ಯೆಯಾಗಿ ಆಮ್ಲಜನಕದ ಮಹತ್ವ ಎಲ್ಲರಿಗೂ ಗೊತ್ತಾಗಿದ್ದು, ಇನ್ನಾದರೂ ಪರಿಸರವನ್ನು ಬೆಳೆಸಿ ಪ್ರಾಕೃತಿಕ ಆಮ್ಲಜನಕದ ಮಹತ್ವ ಎಲ್ಲರೂ ತಿಳಿಯಬೇಕಿದೆ ಎಂದು ಎಸ್‌ಡಿಎಂ ವಿವಿ ಉಪಕುಲಪತಿ ಡಾ| ನಿರಂಜನಕುಮಾರ ಹೇಳಿದರು.

ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ವಿವಿ ಆವರಣದಲ್ಲಿ ಸಸಿ ನೆಟ್ಟು ಮಾತನಾಡಿದ ಅವರು, ಕೊರೊನಾದಿಂದ ಜನರಿಗೆ ಎಷ್ಟೆಲ್ಲ ಸಮಸ್ಯೆಯಾಗಿದೆ. ಸಮಾಜದ ಪ್ರತಿಯೊಬ್ಬ ವ್ಯಕ್ತಿ ಗಿಡಗಳನ್ನು ನೆಟ್ಟು ಪೋಷಿಸಿ ಪ್ರಾಕೃತಿಕ ಆಮ್ಲಜನಕ ಪಡೆಯಬೇಕಾಗಿದೆ. ಪ್ರಾಕೃತಿಕ ಆಮ್ಲಜನಕದ ಮಹತ್ವ ಜನರಿಗೆ ತಿಳಿಸಬೇಕಾಗಿದೆ ಎಂದರು.

ಆಡಳಿತ ಮಂಡಳಿ ಸದಸ್ಯೆ ಮತ್ತು ಆಡಳಿತ ನಿರ್ದೇಶಕಿ ಪದ್ಮಲತಾ ನಿರಂಜನ, ಆಡಳಿತ ನಿರ್ದೇಶಕ ಸಾಕೇತ ಶೆಟ್ಟಿ, ಸಹ ಉಪಕುಲಪತಿ ಜೀವಂಧರ್‌ ಕುಮಾರ, ಕುಲಸಚಿವ ಡಾ|ದಿನೇಶ್‌, ವೈದ್ಯಕೀಯ ಮಹಾವಿದ್ಯಾಲಯದ ಪ್ರಾಂಶುಪಾಲರಾದ ಡಾ| ರತ್ನಮಾಲಾ ದೇಸಾಯಿ, ದಂತ ವೈದ್ಯಕೀಯ ಮಹಾವಿದ್ಯಾಲಯದ ಪ್ರಾಂಶುಪಾಲ ಡಾ| ಬಲರಾಮ ನಾಯ್ಕ ಮತ್ತಿತರರು ವಿಶ್ವವಿದ್ಯಾಲಯದ ಸುತ್ತಮುತ್ತ ಗಿಡಗಳನ್ನು ನೆಟ್ಟರು. ಮುಖ್ಯ ಸಾರ್ವಜನಿಕ ಸಂಪರ್ಕಾಧಿ ಕಾರಿ ಬಾಬಣ್ಣ ಶೆಟ್ಟಿಗಾರ ಹಾಗೂ ದಂತ ವೈದ್ಯಕೀಯ ಕಾಲೇಜಿನ ಸಾರ್ವಜನಿಕ ಸಂಪರ್ಕಾಧಿಕಾರಿ ನಾಗಕುಮಾರ ಜೈನ್‌ ಉಪಸ್ಥಿತರಿದ್ದರು.