ಕೋಟಿ ಮೌಲ್ಯದ ಚಿನ್ನಾಭರಣ ದೋಚಿದರಾ ಇನ್ಸ್‌ಪೆಕ್ಟರ್? ಪ್ರಕರಣ ದಾಖಲು

Team Udayavani, Nov 15, 2020, 3:54 PM IST

ಹುಬ್ಬಳ್ಳಿ: ತನ್ನ ಕುಟುಂಬದವರ ಜತೆ ಸೇರಿ ಒಂದು ಕೋಟಿ ರೂಪಾಯಿ ಮೌಲ್ಯದ ಚಿನ್ನಾಭರಣ ಕಿತ್ತುಕೊಂಡಿದ್ದಾರೆ ಎಂದು ಆರೋಪಿಸಿ, ನಿವೃತ್ತ ನೌಕರರೊಬ್ಬರು ಪೊಲೀಸ್ ಇನ್ಸ್‌ಪೆಕ್ಟರ್ ವಿರುದ್ದವೇ ದೂರು ನೀಡಿದ ಘಟನೆ ನಡೆದಿದೆ.

ನವನಗರದ ಓಂಕಾರಗೌಡ ಪಾಟೀಲ ಎಂಬ ನಿವೃತ್ತ ನೌಕರ ಎಪಿಎಂಸಿ-ನವನಗರ ಠಾಣೆ ಇನ್ಸಪೆಕ್ಟರ್ ವಿರುದ್ಧ ಅದೇ ನವನಗರ ಠಾಣೆಯಲ್ಲೇ ದೂರು ದಾಖಲಿಸಿದ್ದಾರೆ.

ಬೆಂಗಳೂರಿನ ಸಾಫ್ಟ್‌ವೇರ್ ಇಂಜನಿಯರ್ ಶಿವಲೀಲಾ ಪಾಟೀಲ, ಸಂತೋಷ ಕುಮಾರ ಗುಡ್ಡಾಪೂರಮಠ ಮತ್ತು ನವನಗರ ಠಾಣೆ ಇನ್ಸಪೆಕ್ಟರ್ ಪ್ರಭು ಸೂರಿನ ವಿರುದ್ಧ ದೂರು ಸಲ್ಲಿಸಿದ್ದಾರೆ.

ಇದನ್ನೂ ಓದಿ:ಪಶ್ಚಿಮ ಬಂಗಾಳವು ಭಯೋತ್ಪಾದಕರ ಕೇಂದ್ರಾಗಿದೆ: ಬಿಜೆಪಿ ರಾಜ್ಯಾಧ್ಯಕ್ಷ

ತಮಗೆ ಸೇರಿದ ಒಂದು ಕೋಟಿ ರೂಪಾಯಿ ಮೌಲ್ಯದ ಸುಮಾರು 2 ಕೆ.ಜಿ.ಯಷ್ಟು  ಚಿನ್ನಾಭರಣಗಳನ್ನು ಶಿವಲೀಲಾ ಹಾಗೂ ಸಂತೋಷ ಅವರ ಜೊತೆಗೆ ಇನ್ಸ್ ಪೆಕ್ಟರ್ ಜೊತೆ ಸೇರಿ ಭಯ ಹುಟ್ಟಿಸಿ ಚಿನ್ನಾಭರಣ ಕಿತ್ತುಕೊಂಡಿದ್ದಾರೆ ಎನ್ನುವುದು ಓಂಕಾರ ಗೌಡ ಮಾಡಿರುವ ಆರೋಪ.

3ನೇ ಹಿರಿಯ ದಿವಾಣಿ ನ್ಯಾಯಾಲಯದ ನಿರ್ದೇಶನದ ಮೇರೆಗೆ ಎಪಿಎಂಸಿ-ನವನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ಹಿರಿಯ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ತನಿಖೆ ಕೈಗೊಂಡಿದ್ದಾರೆ.