ವಿವಿಧ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ

Team Udayavani, Apr 12, 2017, 3:12 PM IST

ಹುಬ್ಬಳ್ಳಿ: ಹಳೇಹುಬ್ಬಳ್ಳಿಯ ಪಾಲಿಕೆ ವಾರ್ಡ್‌ ನಂ. 43ರಲ್ಲಿ ಅಂದಾಜು 14 ಲಕ್ಷ ರೂ. ವೆಚ್ಚದ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಶಾಸಕ ಪ್ರಸಾದ ಅಬ್ಬಯ್ಯ ಮಂಗಳವಾರ ಚಾಲನೆ ನೀಡಿದರು. 

ಸದರಸೋಫಾ ಬಳಿಯ ನಾಲಾದಿಂದ ಹಳೇ ಹುಬ್ಬಳ್ಳಿ ವೃತ್ತದವರೆಗಿನ ಗಟಾರಗೆ 9 ಲಕ್ಷ ರೂ. ವೆಚ್ಚದಲ್ಲಿ ಸ್ಲಾಬ್‌ ಹಾಕುವ ಕಾಮಗಾರಿಗೆ ಹಾಗೂ ಲತ್ತಿಪೇಟೆಯ ತೆವರಿಚಾಳದ ರಸ್ತೆ 5 ಲಕ್ಷ ರೂ. ವೆಚ್ಚದಲ್ಲಿ ಕಾಂಕ್ರೀಟಿಕರಣ ಮತ್ತು ಗಟಾರು ನಿರ್ಮಾಣ ಸೇರಿದಂತೆ ಒಟ್ಟು 14 ಲಕ್ಷ ರೂ. ವೆಚ್ಚದ ಕಾಮಗಾರಿಗೆ ಶಾಸಕ ಅಬ್ಬಯ್ಯ ಭೂಮಿಪೂಜೆ ನೆರವೇರಿಸಿದರು.

ಪಾಲಿಕೆ ಸದಸ್ಯರಾದ ಬಶೀರ ಗೂಡಮಾಲ್‌, ವಿಜನಗೌಡ ಪಾಟೀಲ, ಮಸ್ತಾನ ಸೋಫಾದ ಮುತುವಲ್ಲಿ ಜಲಾಲಸಾಬ ಬಿಜಾಪುರಿ, ಮುಖಂಡರಾದ ಅಸ್ಲಂ ಮುಲ್ಲಾ, ನಿಜಾಮುದ್ದಿನ್‌ ಮನಿಯಾರ, ಖಾನ ಸಾಬ್‌, ಜಮಾಲ್‌ ಸಗ್ರಿ, ಮುನ್ನಾ ಮಾರ್ಕರ್‌, ವಿಜಯ ಬದ್ದಿ, ಗಣೇಶ ದೊಡ್ಡಮನಿ, ನಿಜಾಮ್‌ ಹದ್ಲಿ, ಯೂಸೂಫ್‌ ಹುಕ್ಕೇರಿ, ಮಹ್ಮದ್‌ ಅಲಿ, ಆಸಿಫ್‌ ಗುಡಮಾಲ್‌ ಇತರರಿದ್ದರು.