ಗ್ರಾಮೀಣ ಭಾಗದಲ್ಲಿ ಜ್ಯೋತಿ ಸಂಚಾರ 

Team Udayavani, Apr 15, 2018, 4:52 PM IST

ಹೊಳೆಆಲೂರ: ಜಿಪಂ, ತಾಪಂ ರೋಣ ಹಾಗೂ ಸ್ಥಳೀಯ ಗ್ರಾಪಂಗಳ ಸಹಯೋಗದಲ್ಲಿ ಶನಿವಾರ ಹೊಳೆಆಲೂರ ಹೋಬಳಿಯ ಬೆಳವಣಕಿ, ಯಾವಗಲ್ಲ, ಕೌಜಗೇರಿ, ಅಸೂಟಿ, ಮೆಣಸಗಿ ಹಾಗೂ ಹೊಳೆಆಲೂರ ಗ್ರಾಪಂ ವ್ಯಾಪ್ತಿಯ ವಿವಿಧ ಗ್ರಾಮಗಳಲ್ಲಿ ಮತದಾನ ಜಾಗೃತಿ ಅಂಗವಾಗಿ ಬೈಕ್‌ ರ್ಯಾಲಿಯೊಂದಿಗೆ ಜ್ಯೋತಿ ಸಂಚರಿಸಿತು.

ತಾಲೂಕು ಯುವಜನ ಸೇವಾ ಇಲಾಖೆ ಸಹಾಯಕ ಅಧಿಕಾರಿ ಜಗದೀಶ ಎಂ. ಬೂದಿಹಾಳ ಹಾಗೂ ಮಂಜುನಾಥ ಗಣಿ ನೇತೃತ್ವ ವಹಿಸಿದ್ದರು. ಹೊಳೆಆಲೂರಿನ ಗ್ರಾಪಂನಿಂದ ಅರಂಭವಾದ ಜ್ಯೋತಿ ಆಲೂರ ವೆಂಕಟರಾವ್‌ ವೃತ್ತ, ಮುಖ್ಯ ಬಜಾರ್‌, ದುರ್ಗದ ಬಯಲು, ಯಚ್ಚರೇಶ್ವರ ಮಠ, ಗಾಂಧಿ ನಗರ, ಬಸವ ನಗರ, ಸೇವಾಲಾಲ್‌ ನಗರ, ಬಾಲಾಜಿ ನಗರ, ಸ್ಟೇಷನ್‌ ರಸ್ತೆ, ಮೇಘರಾಜ ನಗರದಲ್ಲಿ ಸಂಚರಿಸಿ ಚನ್ನಮ್ಮಾ ವೃತ್ತದಲ್ಲಿ ಸಮಾರೋಪಗೊಂಡಿತು.

ರ್ಯಾಲಿಯಲ್ಲಿ ಬಸವರಾಜ ಶೃಂಗೇರಿ, ಈರಣ್ಣ ಪತ್ತಾರ, ಬಸವರಾಜ ತಳವಾರ, ಯಚ್ಚರಪ್ಪ ಚಲವಾದಿ, ಬಸವರಾಜ ಮೇಟಿ, ಈರಣ್ಣ ಹರ್ತಿ, ಬಸವರಾಜ ಕಲ್ಲಮ್ಮನ್ನವರ, ಮೈಲಾರಿ ಚಲವಾದಿ ಭಾಗವಹಿಸಿದ್ದರು.