ಅರಭಾವಿಯಲ್ಲಿ ಶಾಸಕ ಜಾರಕಿಹೊಳಿ ಪ್ರಚಾರ 

Team Udayavani, Apr 30, 2018, 5:28 PM IST

ಮೂಡಲಗಿ: ಈ ಬಾರಿ ಲಕ್ಷ ಮತಗಳ ಅಂತರದಿಂದ ಜಯ ಸಾಧಿಸಿ ದಾಖಲೆ ಬರೆಯುವಂತೆ ಮಾಡಲು ಕಾರ್ಯಕರ್ತರು ಶ್ರಮಿಸಬೇಕು ಎಂದು ಶಾಸಕ, ಅರಭಾವಿ ಬಿಜೆಪಿ ಅಭ್ಯರ್ಥಿ ಬಾಲಚಂದ್ರ ಜಾರಕಿಹೊಳಿ ಮನವಿ ಮಾಡಿದರು.

ಅರಭಾವಿ ಮತಕ್ಷೇತ್ರದ ತಿಮ್ಮಾಪುರ, ಹಳೇಯರಗುದ್ರಿ, ಹೊಸಯರಗುದ್ರಿ, ವೆಂಕಟಾಪುರ, ಢವಳೇಶ್ವರ, ಅರಳಿಮಟ್ಟಿ ಹಾಗೂ ಅವರಾದಿಯಲ್ಲಿ ಪ್ರಚಾರ ನಡೆಸಿ ಮಾತನಾಡಿದ ಅವರು, ಚುನಾವಣೆಯನ್ನು ಇಡೀ ರಾಜ್ಯವೇ ಅರಭಾವಿ ಕ್ಷೇತ್ರದತ್ತ ನೋಡುವಂತೆ ಕಾರ್ಯಕರ್ತರು ದುಡಿಯುವಂತೆ ಕೋರಿದರು.

ಅರಭಾವಿ ಕ್ಷೇತ್ರದ ಸಮಗ್ರ ಅಭಿವೃದ್ಧಿಗಾಗಿ ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ರಚನೆಯಾಗಬೇಕು. ಈಗಾಗಲೇ ಕೇಂದ್ರದಲ್ಲಿ ಬಿಜೆಪಿ ಸರ್ಕಾರ ಅಸ್ಥಿತ್ವದಲ್ಲಿರುವುದರಿಂದ ರಾಜ್ಯದಲ್ಲಿಯೂ ಬಿಜೆಪಿ ಅಧಿಕಾರಕ್ಕೆ ಬಂದರೆ ಇನ್ನಷ್ಟು ಅಭಿವೃದ್ಧಿ ಕಾರ್ಯಗಳಿಗೆ ಹೆಚ್ಚಿನ ನೆರವು ಸಿಗುತ್ತದೆ. ಯಡಿಯೂರಪ್ಪನವರು ಮುಖ್ಯಮಂತ್ರಿಯಾದರೆ ನೀರಾವರಿಗೆ ಪ್ರಮುಖ ಪ್ರಾಶಸ್ತ್ಯ ದೊರೆಯಲಿದೆ ಎಂದರು.

ಜಿಪಂ ಸದಸ್ಯ ಗೋವಿಂದ ಕೊಪ್ಪದ, ಅರಭಾವಿ ಮಂಡಲ ಬಿಜೆಪಿ ಅಧ್ಯಕ್ಷ ಸುಭಾಸ ಪಾಟೀಲ ಮಾತನಾಡಿದರು. ಎಪಿಎಂಸಿ ಮಾಜಿ ಉಪಾಧ್ಯಕ್ಷ ಎಂ.ಎಂ. ಪಾಟೀಲ, ನಿಂಗಪ್ಪಗೌಡ ಪಾಟೀಲ, ಜಿಪಂ ಮಾಜಿ ಸದಸ್ಯ ಪರಮೇಶ್ವರ ಹೊಸಮನಿ, ಗಿರೀಶ ನಾಡಗೌಡ, ಕಲ್ಲಪ್ಪ ರಂಜನಗಿ, ಸತ್ತೆಪ್ಪ ನಾಯಿಕ, ಹಣಮಂತ ಪೂಜೇರಿ, ದೇವನಗೌಡ ಪಾಟೀಲ, ಅಲ್ಲಪ್ಪ ಕುದರಿಮನಿ, ಬಸವರಾಜ ರಂಜನಗಿ, ಗಿರೀಶ ಹಳ್ಳೂರ, ಸಂಗಪ್ಪ ಕಂಟಿಕಾರ, ಬಸಪ್ಪ ಬಾರ್ಕಿ, ಸಿ.ಎಲ್‌. ನಾಯಿಕ, ಅಲ್ಲಪ್ಪ ನಂದಗನ್ನವರ, ದುಂಡಪ್ಪ ಪಾಟೀಲ, ಈರಣ್ಣಾ ಜಾಲಿಬೇರಿ, ಮಹಾದೇವ ನಾಡಗೌಡ ಇದ್ದರು.