ನೈರುತ್ಯ ರೈಲ್ವೆಯಿಂದ 70ಸಾವಿರಕ್ಕೂ ಅಧಿಕ ಮಾಸ್ಕ್ ತಯಾರಿಕೆ

Team Udayavani, Jun 10, 2020, 10:45 AM IST

ಹುಬ್ಬಳ್ಳಿ: ಕೋವಿಡ್‌-19 ಹಿನ್ನೆಲೆಯಲ್ಲಿ ನೈಋತ್ಯ ರೈಲ್ವೆ ವತಿಯಿಂದ ತನ್ನ ಸಿಬ್ಬಂದಿಯ ಸುರಕ್ಷತೆ ಮತ್ತು ರಕ್ಷಣೆ ಸಲುವಾಗಿ ಸಿಬ್ಬಂದಿ ಮನೆಗಳಲ್ಲೇ ಇದುವರೆಗೆ 70,451 ಫೇಸ್‌ ಮಾಸ್ಕ್ ಹಾಗೂ 9,532 ಲೀಟರ್‌ ಸ್ಯಾನಿಟೈಸರ್‌ ತಯಾರಿಸಲಾಗಿದೆ.

ಇಲಾಖೆಯ ಬಹುತೇಕ ಸಿಬ್ಬಂದಿ ಮತ್ತು ಅವರ ಕುಟುಂಬದವರು ಸ್ವಯಂ ಆಗಿ ಮಾಸ್ಕ್ಗಳನ್ನು ಮನೆಯಲ್ಲಿ ತಯಾರಿಸಿ ಅವಶ್ಯಕ ಸಿಬ್ಬಂದಿಗೆ ವಿತರಿಸಿದ್ದಾರೆ. ಹುಬ್ಬಳ್ಳಿ ಕಾರ್ಯಾಗಾರದಲ್ಲಿ 18,135 ಮಾಸ್ಕ್ ಮತ್ತು 2,960 ಲೀಟರ್‌ ಸ್ಯಾನಿಟೈಸರ್‌, ಹುಬ್ಬಳ್ಳಿ ವಿಭಾಗದಲ್ಲಿ 12,807 ಮಾಸ್ಕ್3,990 ಲೀಟರ್‌ ಸ್ಯಾನಿಟೈಸರ್‌, ಬೆಂಗಳೂರು ವಿಭಾಗದಲ್ಲಿ 27,029 ಮಾಸ್ಕ್ , 1,870 ಲೀಟರ್‌ ಸ್ಯಾನಿಟೈಸರ್‌, ಮೈಸೂರು ಕಾರ್ಯಾಗಾರದಲ್ಲಿ 7,730 ಮಾಸ್ಕ್ , 680 ಲೀಟರ್‌ ಸ್ಯಾನಿಟೈಸರ್‌, ಮೈಸೂರು ವಿಭಾಗದಲ್ಲಿ 4,750 ಮಾಸ್ಕ್ ಮತ್ತು 32 ಲೀಟರ್‌ ಸ್ಯಾನಿಟೈಸರ್‌ ಸೇರಿ ಒಟ್ಟು 70,451 ಮಾಸ್ಕ್ ಮತ್ತು 9,532 ಲೀಟರ್‌ ಸ್ಯಾನಿಟೈಸರ್ ತಯಾರಿಸಲಾಗಿದೆ.