ಬಿಲ್‌ ಪಾವತಿಸದಕ್ಕೆ ಮೃತದೇಹ ನೀಡದೆ ಸತಾಯಿಸಿದ ಆಸ್ಪತ್ರೆ

Team Udayavani, Jun 5, 2021, 6:21 PM IST

ಹುಬ್ಬಳ್ಳಿ: ಇಲ್ಲಿನ ಖಾಸಗಿ ಆಸ್ಪತ್ರೆಯೊಂದು ಕೋವಿಡ್‌ನಿಂದ ಮೃತಪಟ್ಟ ಮಹಿಳೆಯ ಮೃತ ದೇಹವನ್ನು ಬಾಕಿ ಬಿಲ್‌ ಪಾವತಿಸದ ಹೊರತು ನೀಡುವುದಿಲ್ಲ ಎಂದು ಹೇಳಿ ಶವ ನೀಡದಿರುವ ಘಟನೆ ಗುರುವಾರ ನಡೆದಿದೆ.

ಶಿರೂರ ಪಾರ್ಕ್‌ ರಸ್ತೆಯಲ್ಲಿರುವ ಆಸ್ಪತ್ರೆಗೆ ಮೇ 27ರಂದು ದಾಖಲಾಗಿದ್ದ ನಸೀಮಾಭಾನು ಜಮಿಲ್‌ ಅಹ್ಮದ ಶೇಖ್‌ ಎನ್ನುವವರು ಗುರುವಾರ ಚಿಕಿತ್ಸೆ ಫಲಿಸದೆ ಮೃತಪಟ್ಟಿದ್ದಾರೆ. ಆಸ್ಪತ್ರೆಯಲ್ಲಿ ಚಿಕಿತ್ಸಾ ವೆಚ್ಚ 2,27,250 ರೂ. ಆಗಿದ್ದು, ರೋಗಿ ಕಡೆಯವರು 80 ಸಾವಿರ ರೂ. ಪಾವತಿ ಮಾಡಿದ್ದಾರೆ.

ಇನ್ನುಳಿದ 1,47,250 ರೂ. ಪಾವತಿ ಮಾಡಿದರೆ ಮಾತ್ರ ಮೃತದೇಹ ನೀಡುವುದಾಗಿ ಆಸ್ಪತ್ರೆಯವರು ಹೇಳಿದ್ದಾರೆ. ಮೃತಳ ಕುಟುಂಬದವರು ವಿದ್ಯಾನಗರದ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಕೂಡಲೇ ಮಧ್ಯಪ್ರವೇಶಸಿದ ಪೊಲೀಸರು ಆಸ್ಪತ್ರೆಯವರೊಂದಿಗೆ ಮಾತನಾಡಿ ಮೃತದೇಹ ಕೊಡಿಸಿದ್ದಾರೆ.