ಗುಜರಾತ್‌ಗೆ ಸಾಗಿಸುತ್ತಿದ್ದ 420 ಕ್ವಿಂಟಲ್ ಪಡಿತರ ಅಕ್ಕಿ ವಶ

Team Udayavani, Feb 11, 2021, 5:03 PM IST

ಹುಬ್ಬಳ್ಳಿ: ಹಾವೇರಿಯಿಂದ ಗುಜರಾತ್‌ಗೆ ಅಕ್ರಮವಾಗಿ ಸಾಗಿಸುತ್ತಿದ್ದ ಭಾರೀ ಪ್ರಮಾಣದ ಪಡಿತರ ಅಕ್ಕಿಯನ್ನು ಆಹಾರ ಇಲಾಖೆ ಅ ಧಿಕಾರಿಗಳು ಹಾಗೂ ಕಸಬಾಪೇಟೆ ಪೊಲೀಸರು ದಾಳಿ ಮಾಡಿ ಪತ್ತೆ ಮಾಡಿದ್ದು, ಚಾಲಕ ಹಾಗೂ ಲಾರಿ ಸಮೇತ ಅಂದಾಜು 29.24ಲಕ್ಷ ರೂ. ಮೌಲ್ಯದ 420 ಕ್ವಿಂಟಲ್‌ ಅಕ್ಕಿ ವಶಪಡಿಸಿಕೊಂಡಿದ್ದಾರೆ.

ಹಾವೇರಿ ಎಪಿಎಂಸಿ ಮಾರ್ಕೆಟ್‌ನ ಮೆ.ಶಿವಾ ಟ್ರೇಡರ್ಸ್‌ನವರು ಅಕ್ರಮವಾಗಿ ಪಡಿತರ ಅಕ್ಕಿಯನ್ನು ಲಾರಿಯಲ್ಲಿ ಗುಜರಾತ್‌ನ ಕಛ… ಜಿಲ್ಲೆಗೆ ಸಾಗಿಸುತ್ತಿದ್ದರು ಎನ್ನಲಾಗಿದೆ. ಖಚಿತ ಮಾಹಿತಿ ಮೇರೆಗೆ ಆಹಾರ ಇಲಾಖೆ ಅಧಿಕಾರಿಗಳಾದ ಸುಹಾಸ ಯರೇಶಿಮಿ, ಕೆ.ಆರ್‌.ರಾಯ್ಕರ, ಎಸ್‌. ಡಿ. ಪಾಟೀಲ ಇವರೊಂದಿಗೆ ಹಿರಿಯ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ಕಸಬಾಪೇಟೆ ಠಾಣೆ ಇನ್ಸ್‌ಪೆಕ್ಟರ್‌ ರತನಕುಮಾರ ಜೀರಗ್ಯಾಳ ಮತ್ತು ಸಿಬ್ಬಂದಿ ಗಬ್ಬೂರ ಟೋಲ್‌ ಪ್ಲಾಜಾ ಹತ್ತಿರ ಲಾರಿ ತಡೆದು, 420 ಕ್ವಿಂಟಲ್‌ ಅಕ್ಕಿ ಹಾಗೂ ರಾಜಸ್ಥಾನ ಜೋಧಪುರದ ಚಾಲಕ ಜೋರಾರಾಮ ಓ.ಬಿಷ್ಣೋಯಿ ವಶಪಡಿಸಿಕೊಂಡಿದ್ದಾರೆ.

ಇದನ್ನೂ ಓದಿ :ನಾಳೆಯಿಂದ ಶ್ರೀಮದಥಣಿ ಮುರುಘೇಂದ್ರ ಶ್ರೀಗಳ ಜಾತ್ರೆ

ಕಸಬಾಪೇಟೆ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.