ಇಂದಿನಿಂದ ಎಸ್ಸೆಸ್ಸೆಲ್ಸಿ ಪರೀಕ್ಷೆ

Team Udayavani, Jun 25, 2020, 10:03 AM IST

ನವಲಗುಂದ: ಪಟ್ಟಣದ ಮಾಡೆಲ್‌ ಬಾಲಕರ ಪೌಢಶಾಲೆ ಸೇರಿದಂತೆ ತಾಲೂಕಿನ ಒಟ್ಟು 9 ಕೇಂದ್ರಗಳಲ್ಲಿ ಪರೀಕ್ಷೆ ಸಿದ್ಧತೆ ಮಾಡಿಕೊಳ್ಳಲಾಗಿದೆ. ಒಟ್ಟು ತಾಲೂಕಿನಲ್ಲಿ 2409 ವಿದ್ಯಾರ್ಥಿಗಳು ಪರೀಕ್ಷೆ ಎದುರಿಸುತ್ತಿದ್ದು. ಶಿಕ್ಷಣ ಇಲಾಖೆ ಪರೀಕ್ಷ ಕೇಂದ್ರಗಳಲ್ಲಿ ಥರ್ಮಲ್‌ ಸ್ಕ್ಯಾನಿಂಗ್‌, ಸ್ಯಾನಿಟೈಸರ್‌, ಮಾಸ್ಕ್ಗಳ ವ್ಯವಸ್ಥೆ ಮಾಡಿಕೊಂಡಿದೆ.

ಮೊರಬ ಗ್ರಾಮ ಕಂಟೇನ್ಮೆಂಟ್‌ ಝೋನ್‌ ಆಗಿರುವುದರಿಂದ ಇಲ್ಲಿ 117 ವಿದ್ಯಾರ್ಥಿಗಳಿಗೆ ಪರೀಕ್ಷೆ ಬರೆಯುವ ವ್ಯವಸ್ಥೆ ಮಾಡಲಾಗಿದೆ. ಬೇರೆ ಗ್ರಾಮಗಳಿಂದ ಬರುವ ಮಕ್ಕಳ ಪಾಲಕರು ಮತ್ತು ಪೋಷಕರು ಹಾಗೂ ಎಸ್‌ಡಿಎಮ್‌ಸಿ ಒಪ್ಪಿಗೆ ಮೇರೆಗೆ ಮೊರಬ ಗ್ರಾಮ ಹೊರತುಪಡಿಸಿ ಶಿರೂರ, ಶಿರಕೋಳ, ಮತ್ತು ಬ್ಯಾಲ್ಯಾಳದ ಪ್ರೌಢಶಾಲೆಗಳ ಒಟ್ಟು 185 ಮಕ್ಕಳಿಗೆ ಶಿರೂರ ಎನ್‌.ಜಿ.ಬಾಳನಗೌಡ್ರ ಸರಕಾರಿ ಪ್ರೌಢಶಾಲೆ ಪರೀಕ್ಷೆ ಕೇಂದ್ರದಲ್ಲಿ ಬರೆಯಲು ವ್ಯವಸ್ಥೆ ಮಾಡಲಾಗಿದೆ. ಪರೀಕ್ಷೆ ಬರುವ ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೆ ವಾ.ಕ.ರಾ.ರ. ಸಂಸ್ಥೆ ನವಲಗುಂದ ಡಿಪೋದಿಂದ ಸಾರಿಗೆ ವ್ಯವಸ್ತೆ ಕಲ್ಪಿಸಲಾಗಿದೆ ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿ ಗಿರೀಶ ಪದಕಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.