ಆಲಮಟ್ಟಿ ಜಲಾಶಯ ಭರ್ತಿಗೆ 4 ಮೀ. ಬಾಕಿ

Team Udayavani, Jun 29, 2020, 12:26 PM IST

ಆಲಮಟ್ಟಿ: ಕೃಷ್ಣಾ ಜಲಾನಯನ ಪ್ರದೇಶದಲ್ಲಿ ವ್ಯಾಪಕವಾಗಿ ಮಳೆಯಾಗುತ್ತಿದ್ದು ವಾಡಿಕೆಗಿಂತಲೂ ಮುಂಚೆಯೇ ನದಿಗೆನೀರು ಹರಿದು ಬಂದಿದ್ದು ಆಲಮಟ್ಟಿ ಲಾಲ್‌ ಬಹದ್ದೂರ್‌ ಶಾಸ್ತ್ರಿ ಜಲಾಶಯ ತುಂಬಲು ಇನ್ನು ಕೇವಲ 4 ಮೀ.ಬಾಕಿಯಿದೆ.

ಜಲಾಶಯದಲ್ಲಿ ರವಿವಾರ 515 ಮೀ.ನೀರು ಸಂಗ್ರಹಗೊಂಡಿದೆ. ಗರಿಷ್ಠ 519.6ಮೀ. ಎತ್ತರದಲ್ಲಿ 123.081 ಟಿಎಂಸಿ ಅಡಿ ಗರಿಷ್ಠ ಸಂಗ್ರಹ ಸಾಮರ್ಥ್ಯದ ಜಲಾಶಯದಲ್ಲಿ ರವಿವಾರ ಬೆಳಗಿನ ಮಾಹಿತಿಯಂತೆ 515.25ಮೀ. ಎತ್ತರವಾಗಿ 65.439 ಟಿಎಂಸಿ ಅಡಿ ನೀರು ಸಂಗ್ರಹವಾಗಿ ಜಲಾಶಯಕ್ಕೆ 11,997 ಕ್ಯೂಸೆಕ್‌ ನೀರು ಒಳಹರಿವಿದ್ದು 1130 ಕ್ಯೂಸೆಕ್‌ ನೀರು ಕುಡಿಯುವ ನೀರು ಸೇರಿ ವಿವಿಧ ಮೂಲಗಳಿಂದ ಹೊರಹರಿವಿದೆ. ಕಳೆದ ವರ್ಷ ಇದೇ ದಿನ 507.95ಮೀ. ಎತ್ತರದಲ್ಲಿ 21.225 ಟಿಎಂಸಿ ಅಡಿ ನೀರು ಸಂಗ್ರಹವಾಗಿತ್ತು.

ಆಲಮಟ್ಟಿ ಜಲ ವಿದ್ಯುದಾಗಾರದಲ್ಲಿರುವ 55 ಮೆ.ವ್ಯಾ.ನ 5 ಘಟಕ ಹಾಗೂ 15 ಮೆ. ವ್ಯಾ.ನ ಒಂದು ಘಟಕದಿಂದ ಒಟ್ಟು 290 ಮೆ. ವ್ಯಾ.ನ ಘಟಕದ ಆರಂಭಕ್ಕೆ ಆಲಮಟ್ಟಿ ಲಾಲ್‌ ಬಹದ್ದೂರ್‌ ಶಾಸ್ತ್ರಿ ಜಲಾಶಯಕ್ಕೆ ಇನ್ನಷ್ಟು ಒಳಹರಿವು ಹೆಚ್ಚಾದರೆ ವಿದ್ಯುತ್‌ ಉತ್ಪಾದನೆಗೆ ಎಲ್ಲ ತಯಾರಿಯನ್ನು ಮಾಡಿಕೊಳ್ಳಲಾಗಿದೆ ಎಂದು ಕೆಪಿಸಿಎಲ್‌ನ ಮೂಲಗಳಿಂದ ತಿಳಿದು ಬಂದಿದೆ.