ಪಕ್ಷದ ಬಲವರ್ಧನೆಗೆ ಶ್ರಮಿಸಿ: ಬೆಲ್ಲದ

Team Udayavani, Jun 28, 2020, 12:46 PM IST

ಹುಬ್ಬಳ್ಳಿ: ಮುಂಬರುವ ದಿನಗಳಲ್ಲಿ ಪಕ್ಷವನ್ನು ಮತ್ತಷ್ಟು ಬಲಿಷ್ಠಗೊಳಿಸಲು ನೂತನ ಜಿಲ್ಲಾ ಪದಾಧಿಕಾರಿಗಳು ಮುಂದಾಗಬೇಕು ಎಂದು ಶಾಸಕ ಹಾಗೂ ಮಹಾನಗರ ಬಿಜೆಪಿ ಜಿಲ್ಲಾಧ್ಯಕ್ಷ ಅರವಿಂದ ಬೆಲ್ಲದ ಹೇಳಿದರು.

ದೇ­ಶಪಾಂಡೆ ನಗರದ ಪಕ್ಷದ ಕಾರ್ಯಾಲಯದಲ್ಲಿ ನೂತನ ಜಿಲ್ಲಾ ಪದಾಧಿಕಾರಿಗಳನ್ನು ಸನ್ಮಾನಿಸಿ ಮಾತನಾಡಿದ ಅವರು, ಬೂತ್‌ ಹಾಗೂ ವಾರ್ಡ್‌ ಮಟ್ಟದಲ್ಲಿ ಪಕ್ಷದ ಸಂಘಟನೆಗೆ ಮುಂದಾಗಬೇಕು. ಕಾರ್ಯಕರ್ತರನ್ನು ಒಗ್ಗೂಡಿಸಿ ಪಕ್ಷವನ್ನು ಮತ್ತಷ್ಟು ಬಲಗೊಳಿಸುವ ಕಾರ್ಯ ಆಗಬೇಕು ಎಂದರು.

ಹುಡಾ ಅಧ್ಯಕ್ಷ ನಾಗೇಶ ಕಲಬುರ್ಗಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿಗಳಾದ ವಿಜಯಾನಂದ ಶೆಟ್ಟಿ, ತಿಪ್ಪಣ್ಣ ಮಜ್ಜಗಿ, ದತ್ತಮೂರ್ತಿ ಕುಲಕರ್ಣಿ ಮಾತನಾಡಿದರು. ಮುಖಂಡರಾದ ಪ್ರಭು ನವಲಗುಂದಮಠ, ಬಸವರಾಜ ಗರಗ, ಸುನೀಲ ಮೋರೆ, ರವಿ ನಾಯ್ಕ, ವಿರೂಪಾಕ್ಷ ರಾಯನಗೌಡ್ರ, ಶಂಕರ ಶೆಳಕೆ, ಕಿರಣ ಉಪ್ಪಾರ, ಈಶ್ವರಗೌಡ ಪಾಟೀಲ, ಶ್ರೀನಿವಾಸ ಕೋಟ್ಯಾನ, ಮಲ್ಲಪ್ಪ ಶಿರಕೋಳ, ಗೋಪಾಲ ಬದ್ದಿ, ಹನುಮಂತ ಚಲವಾದಿ, ಅಶೋಕ ವಾಲ್ಮಕಿ, ಮಿಥುನ ಚವ್ಹಾಣ, ಅಮೀತ ಪಾಟೀಲ, ಷಣ್ಮುಖಯ್ಯ ಪಂಚಾಂಗಮಠ, ಯಲ್ಲಪ್ಪ ಅರವಳದ, ರಾಜೇಶ್ವರಿ ಸಾಲಗಟ್ಟಿ, ಸೀಮಾ ಲದ್ವಾ, ಪ್ರತಿಭಾ ಪವಾರ, ನಾಗರತ್ನಾ ಬಳ್ಳಾರಿ ಹಾಗೂ ಇನ್ನಿತರರಿದ್ದರು.