ಗಮನ ಸೆಳೆದ ಕುಸ್ತಿ ಪಂದ್ಯಾವಳಿ

Team Udayavani, May 2, 2018, 5:46 PM IST

ಐಗಳಿ: ಸಮೀಪದ ಬಾಡಗಿ ಗ್ರಾಮ ಹನುಮಾನ ದೇವರ ಜಾತ್ರಾ ಮಹೋತ್ಸವದ ನಿಮಿತ್ತ ಏರ್ಪಡಿಸಿದ್ದ ಅಂತರ್‌ ರಾಜ್ಯಮಟ್ಟದ ಕುಸ್ತಿ ಸ್ಪರ್ಧೆಗಳು ಜನಮನ ಸೆಳೆದವು. ಕುಸ್ತಿ ಪಂದ್ಯಾವಳಿಗೆ ಸಮಾಜ ಸೇವಕ ಮಹಾವೀರ ಪಡನಾಡ ಭೂಮಿಪೂಜೆ ಸಲ್ಲಿಸಿ ಚಾಲನೆ ನೀಡಿದರು. ನಿಗದಿ ಪಡಿಸಿದ್ದ 31 ಜೋಡಿ ಕುಸ್ತಿಗಳಲ್ಲಿ ಪೈಲ್ವಾನರಾದ ಅತೀಶ ಮೋರೆ, ಸುಧಾಕರ ಗುಂಡ, ಬಾವುಸಾಬ ಪಾಟೀಲ ಹಾಗೂ ತಾನಾಜಿ ವೀರಕರ ಸೇರಿದಂತೆ ಹಲವಾರು ಕುಸ್ತಿ ಆಟಗಾರರ ಭಾಗವಹಿಸಿದ್ದರು.

ಆಟಗಳ ನಿರ್ಣಾಯಕರಾಗಿ ಅಪ್ಪಾಸಾಬ ಆಲಗುರ, ರಾಮಣ್ಣ ಹುನ್ನೂರ, ಸಿದ್ದು ಹಳ್ಳಿ ಕಾರ್ಯ ನಿರ್ವಹಿಸಿದರು. ಗ್ರಾಮೀಣ ಪ್ರದೇಶಗಳಲ್ಲಿ ಕುಸ್ತಿ ಪಂದಾವಳಿಗಳನ್ನು ಸಂಘಟಿಸಿ ಮುನ್ನಡೆಸಿಕೊಂಡು ಬರುತ್ತಿರುವ ಬಾಡಗಿ ಗ್ರಾಮ ಹನುಮಾನ ಸೇವಾ ಸಮಿತಿ ಕಾರ್ಯಕ್ಕೆ ನೂರಾರು ಅಭಿಮಾನಿಗಳು ತನು ಮನ ಧನದ ಸಹಾಯ ನೀಡಿ ಪ್ರೋತ್ಸಾಹಿಸಿದರು. ಮಲ್ಲು ಢಂಗಿ, ಮನೋಹರ ಜಂಬಗಿ, ರಾಮು ಹುನ್ನೂರ, ಸಾಬು ತೇಲಿ, ಶಿವಾನಂದ ನೇಮಗೌಡ, ಭೀಮು ಢಂಗಿ, ಸತ್ಯಪ್ಪ ಬಿರಾದಾರ, ಭೀಮು ಚಮಕೇರಿ, ಸಿದ್ದು ದಳವಾಯಿ ಇತರರು ಇದ್ದರು.