ದ್ಯಾಮವ್ವ ದೇವಿ ಗ್ರಾಮ ಸಂಚಾರ ಸಂಪನ್ನ

Team Udayavani, Jan 28, 2021, 4:22 PM IST

ಶಿರಹಟ್ಟಿ: ಪಟ್ಟಣದ ಗ್ರಾಮ ದೇವತೆ ಶ್ರೀ ದ್ಯಾಮವ್ವಳ ಜಾತ್ರಾ ಮಹೋತ್ಸವದ ಎರಡನೇ ದಿನದ ಗ್ರಾಮ ಸಂಚಾರ ಸಂಪೂರ್ಣ ಸಂಪನ್ನವಾಯಿತು. ಭಕ್ತರ ಮನೆಮನೆಗೆ ತೆರಳಿ ಉಡಿ ತುಂಬಿಸಿಕೊಂಡು ಹರಸಲಾಯಿತು.

ಗ್ರಾಮ ಸಂಚಾರದಲ್ಲಿ ತಮ್ಮ ಮನೆಗೆ ದೇವರು ಬರಬಹುದು ಎನ್ನುವ ನಿರೀಕ್ಷೆಯಲ್ಲಿ ಸಕಲ ಸಿದ್ಧತೆ ಮಾಡಿಕೊಂಡ ಕೆಲವರ ಮನೆಗೆ ಭೇಟಿ ಮಾಡದೆ ಸಿದ್ಧತೆ ಇಲ್ಲದವರ ಮನೆಗೆ ತೆರಳಿ ಅಚ್ಚರಿ ಮೂಡಿಸಿತು. ದೇವಿ ಯಾವ ಕಡೆ ಸಂಚಾರ ಮಾಡುವಳ್ಳೋ ಆಕಡೆಯಲ್ಲಿ ಸಂಚಾರ ಮಾಡು ಉಧೋ .. ಉಧೋ.. ಎನ್ನುವ ಜಯಕಾರ ಹಾಕುತ್ತ ದೇವಿಯ ಸೇವೆಗೈಯುತ್ತ ಪುನಿತ ಭಾವ ಮೆರೆದರು.

ಇದನ್ನೂ ಓದಿ:ಗುರುಭವನಕ್ಕೆ ಸೌಲಭ್ಯ ಕಲ್ಪಿಸಿ

ಜ. 28ರಂದು ಬೆಳಗ್ಗೆ 8ಕ್ಕೆ ಬಡಿಗೇರ ಓಣಿಯಿಂದ ಗಜರಾಜ ಸಮೇತ ಸಕಲ ವಾದ್ಯಗಳೊಂದಿಗೆ ಶ್ರೀ ದೇವಿಯು ದೇವಸ್ಥಾನಕ್ಕೆ ತೆರಳುವಳು. ನಂತರ ಗುರುನಾಥ ಭಟ್ಟರ ನೇತೃತ್ವದಲ್ಲಿ ದುರ್ಗಾ ಹೋಮ ಕೈಗೊಳ್ಳಲಾಗುವುದು. ಮಧ್ಯಾಹ್ನ 1ಕ್ಕೆ ಮಹಾಪ್ರಸಾದ ವಿತರಣೆ ಜರುಗಲಿದೆ.