ಕೊಪ್ಪಳ: ಗೋಡೆ ಬರಹ ಬರೆದ ಆರೋಪಿ ಬಂಧನ- ಪೊಲೀಸ್‌ ವರಿಷ್ಠಾಧಿಕಾರಿ ಯಶೋಧಾ

Team Udayavani, Jul 28, 2023, 6:23 PM IST

ಕೊಪ್ಪಳ: ಕನಕಗಿರಿಯಲ್ಲಿ ಅಪ್ರಾಪ್ತೆಯ ಹೆಸರಿನೊಂದಿಗೆ ಅಶ್ಲೀಲವಾಗಿ ಗೋಡೆ ಬರಹ ಬರೆದ ಪ್ರಕರಣದ ಆರೋಪಿ ಮಹೆಬೂಬ್‌ ಹಸನಸಾಬ್‌ ಸಿಕಲಗಾರನನ್ನು ಪೊಲೀಸರು ಬಂಧಿಸಿದ್ದಾರೆ. ತಾಂತ್ರಿಕವಾಗಿ ಹಾಗೂ ವಿವಿಧ ಆಯಾಮದಲ್ಲಿ ವಿಚಾರಣೆ ನಡೆಸಿ ದಾಖಲೆ ಸಮೇತ ಬಂಧಿಸಲಾಗಿದೆ ಎಂದು ಎಸ್ಪಿ ಯಶೋಧಾ ವಂಟಗೋಡಿ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕನಕಗಿರಿಯಲ್ಲಿ ಕಳೆದ ಕೆಲವು ತಿಂಗಳ ಹಿಂದೆ ಅಪ್ರಾಪ್ತ ವಿದ್ಯಾರ್ಥಿನಿಯ ಹೆಸರನ್ನು ಉಲ್ಲೇಖೀಸಿ ಶಾಲೆ, ಕಾಲೇಜು ಗೋಡೆಯ ಮೇಲೆ ಅಶ್ಲೀಲವಾಗಿ ಬರೆದ ಘಟನೆ ನಡೆದಿತ್ತು. ಈ ಬಗ್ಗೆ ಅಪ್ರಾಪೆ¤ಯ ಪಾಲಕರು ಕನಕಗಿರಿ ಠಾಣೆಯಲ್ಲಿ ದೂರು ನೀಡಿದ್ದರು.

ಇದಲ್ಲದೇ ಇನ್ನೊಂದು ದೂರು ದಾಖಲಾಗಿತ್ತು. ಈ ಎರಡು ಪ್ರಕರಣಗಳು ದಾಖಲಾದ ಹಿನ್ನೆಲೆಯಲ್ಲಿ ಪೊಲೀಸ್‌ ಅ ಧಿಕಾರಿಗಳಾದ ಅಮರೇಶ ಹಾಗೂ ಜಗದೀಶ ಅವರ ಎರಡು ವಿಶೇಷ ತಂಡ ರಚನೆ ಮಾಡಿ ತನಿಖೆ ನಡೆಸಲಾಗಿತ್ತು. ತನಿಖೆ ವೇಳೆ ಇದೊಂದು ಸವಾಲಿನ ವಿಷಯವಾಗಿತ್ತು.

ತಾಂತ್ರಿಕ ತಂಡ ಬಳಕೆ ಮಾಡಿಕೊಂಡು ವಿವಿಧ ಆಯಾಮದಲ್ಲಿ ತನಿಖೆ ಕೈಗೊಂಡಾಗ ಆರೋಪಿ ಮಹೆಬೂಬ್‌ ಸಿಕಲಗಾರ ಇನಾrಗ್ರಾಂನಲ್ಲಿ ಬೇರೆಯ ಹೆಸರಿನ ಫೇಕ್‌ ಅಕೌಂಟ್‌ ಕ್ರಿಯೆಟ್‌ ಮಾಡಿ ಅದರಲ್ಲಿ ಬೇರೊಬ್ಬರ ಅಶ್ಲೀಲವಾಗಿ ಪೋಸ್ಟ್‌ಗಳನ್ನು ಹಾಕಿದ್ದನು. ಇದನ್ನು ಪತ್ತೆ ಮಾಡಿದ ತಂಡವು ವಿವಿಧ ರೀತಿಯಲ್ಲಿ ವಿಚಾರಣೆ ನಡೆಸಿದಾಗಲೂ ಆತನ ಬಗ್ಗೆ ಸಂಭಾವಿತ ಎನ್ನುವ ಮಾತು ಕೇಳಿ ಬಂದಿದ್ದವು. ಬಳಿಕ ತಾಂತ್ರಿಕವಾಗಿ ದಾಖಲೆ ದೊರೆತ ಬಳಿಕ ಆತನನ್ನು ತೀವ್ರ ವಿಚಾರಣೆಗೆ ಒಳಪಡಿಸಿದಾಗ ಗೋಡೆ ಬರಹ ಬರೆದಿದ್ದು ಒಪ್ಪಿಕೊಂಡಿದ್ದಾನೆ ಎಂದರು.

ಈ ಆರೋಪಿ ಆ ವಿದ್ಯಾರ್ಥಿನಿಯನ್ನು ಪ್ರೀತಿಸುತ್ತಿದ್ದನು. ತನ್ನೊಂದಿಗೆ ಆ ಬಾಲಕಿ ಮಾತನಾಡದೇ ಹೋದಾಗ ಈ ರೀತಿ ಗೋಡೆ
ಬರಹ ಬರೆಯುತ್ತಿದ್ದನು. ಆ ಬಾಲಕಿ ತನ್ನ ಸ್ನೇಹಿತೆಗೆ ಇದೆಲ್ಲವನ್ನು ಹೇಳಿಕೊಳ್ಳುತ್ತಿದ್ದಳು. ಈ ಆರೋಪಿ ಬಾಲಕಿಯ ಮನೆಯವರೊಂದಿಗೂ ಒಡನಾಟ ಹೊಂದಿದ್ದ. ಅಲ್ಲದೇ ಅವರ ಸಂಬಂ ಧಿಕನೂ ಆಗಿದ್ದಾನೆ ಎಂದರು.

ಅಪ್ರಾಪ್ತೆ ಕಳೆದ ಕೆಲವು ತಿಂಗಳ ಹಿಂದೆ ನನ್ನ ಜತೆ ಮಾತುಕತೆ ಬಿಟ್ಟು ಬಿಡು, ನನಗೆ ಸರ್ಕಾರಿ ನೌಕರಿ ಇರುವ ವ್ಯಕ್ತಿ ಜತೆ ಮದುವೆ ಮಾಡುತ್ತಾರೆಂದು ಹೇಳಿದ್ದಳಂತೆ. ವಿದ್ಯಾರ್ಥಿನಿಯನ್ನು ಒಬ್ಬಂಟಿ ಮಾಡಬೇಕು. ಬಾಲಕಿಯನ್ನು ಯಾರೂ ಮಾತನಾಡಿಸಬಾರದು ಎನ್ನುವ ಕಾರಣಕ್ಕೆ ಹೀಗೆ ಮಾಡಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾನೆ. ಕೊನೆಗೂ ಪ್ರಕರಣ ಸುಖಾಂತ್ಯ ಕಂಡಿದೆ. ಅಪ್ರಾಪ್ತರು ಈ ಬಗ್ಗೆ ಕಾಳಜಿ ವಹಿಸಬೇಕು. ಸಾಮಾಜಿಕ ಜಾಲತಾಣಗಳ ಬಗ್ಗೆಯೂ ಹೆಚ್ಚು ನಿಗಾ ವಹಿಸಬೇಕು ಎಂದು ಎಸ್ಪಿ ತಿಳಿಸಿದ್ದಾರೆ. ಗಂಗಾವತಿ ಡಿಎಸ್‌ಪಿ ರುದ್ರೇಶ ಉಜ್ಜನಕೊಪ್ಪ ಉಪಸ್ಥಿತರಿದ್ದರು.