Hassan ಕೌಟುಂಬಿಕ ಕಲಹ: ಸುಪಾರಿ ಕೊಟ್ಟು ಪತ್ನಿಯ ಕೊಲ್ಲಿಸಿದ ಪತಿ

Team Udayavani, Sep 10, 2024, 11:49 PM IST

ಹಾಸನ: ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಸ್ನೇಹಿತನಿಗೆ ಸುಪಾರಿ ಕೊಟ್ಟು ಪತಿಯೇ ಪತ್ನಿಯನ್ನು ಕೊಲೆ ಮಾಡಿಸಿರುವ ಪ್ರಕರಣ ಬೇಲೂರು ತಾಲೂಕಿನ ಯಕಶೆಟ್ಟಿಹಳ್ಳಿಯಲ್ಲಿ ನಡೆದಿದೆ. ಶೀಲಾ (42) ಕೊಲೆಯಾದವರು.

ಪತ್ನಿ ಹತ್ಯೆಗೆ ಸುಪಾರಿ ನೀಡಿದ್ದ ಪತಿ ಜಗದೀಶ್‌ ಮತ್ತು ಆತನ ಸ್ನೇಹಿತ ರಾಜಶೇಖರ್‌ನನ್ನು ಪೊಲೀಸರು ಬಂಧಿಸಿದ್ದಾರೆ. ಸಹಕರಿಸಿದ ಮತ್ತೂಬ್ಬ ಆರೋಪಿ ನಿರ್ವಾಣಯ್ಯ ತಲೆಮರೆಸಿಕೊಂಡಿದ್ದಾನೆ.

ಕೊಲೆ ಕೃತ್ಯ ಸಿಸಿ ಕೆಮರಾದಲ್ಲಿ ಸೆರೆಯಾಗಿದೆ. ಶೀಲಾ-ಜಗದೀಶ್‌ ದಂಪತಿಗೆ 20 ವರ್ಷದ ಮಗಳಿದ್ದಾಳೆ. ಜಗದೀಶ್‌ ಮದ್ಯ ವ್ಯಸನಿಯಾಗಿದ್ದರಿಂದ ಕುಟುಂಬದಲ್ಲಿ ಕಲಹ ಮೂಡಿತ್ತು. ಶೀಲಾ ತನ್ನ ಮಗಳೊಂದಿಗೆ ಗಂಡನಿಂದ ಅಂತರ ಕಾಯ್ದುಕೊಂಡು ಅದೇ ಮನೆಯಲ್ಲಿ ವಾಸವಾಗಿದ್ದರು. ಪತ್ನಿಯನ್ನು ಕೊಲ್ಲುವಂತೆ ಸ್ನೇಹಿತ ರಾಜಶೇಖರ್‌ಗೆ ಜಗದೀಶ್‌ ಸುಪಾರಿ ನೀಡಿದ್ದ. ಗೌರಿ ಹಬ್ಬದ ದಿನವಾದ ಶನಿವಾರ ಟವೆಲ್‌ನಿಂದ ಕುತ್ತಿಗೆ ಬಿಗಿದು ಜಗದೀ ಶ್‌ ಕೊಲೆ ಮಾಡಿದ್ದ. ತಾಯಿ ಮನೆಗೆ ಬಾರದಿ ದ್ದರಿಂದ ಮಗಳು ಪೊಲೀಸರಿಗೆ ದೂರು ನೀಡಿ ದ್ದಳು. ತನಿಖೆ ನಡೆಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.