ದುರ್ಗಮುರ್ಗಿ ಮಹಿಳೆಗೆ ಗೆಲುವು-ಅಧ್ಯಕ್ಷರಾಗುವ ಭಾಗ್ಯ

Team Udayavani, Apr 1, 2021, 7:42 PM IST

ಬ್ಯಾಡಗಿ: ತಾಲೂಕಿನ ತಡಸ ಮತ್ತು ಕಾಗಿನೆಲೆ ಗ್ರಾಪಂ ಚುನಾವಣೆ ಮತ ಎಣಿಕೆ ಕಾರ್ಯವು ಪಟ್ಟಣದ ತಹಶೀಲ್ದಾರ್‌ ಕಚೇರಿ ಆವರಣದಲ್ಲಿ ಬಿಗಿಭದ್ರತೆ ನಡುವೆ ನಡೆಯಿತು.

ತಹಶೀಲ್ದಾರ್‌ ರವಿ ಕೊರವರ ನೇತೃತ್ವದಲ್ಲಿ ಮತ ಎಣಿಕೆ ಕಾರ್ಯ ನಿಗದಿತ ಅವಧಿಗೆ ಪ್ರಾರಂಭವಾಯಿತು. ಧ್ವನಿವರ್ಧಕದ ಮೂಲಕ ಫಲಿತಾಂಶ ಪ್ರಕಟಗೊಳ್ಳುತ್ತಿದ್ದಂತೆ ವಿಜೇತರಾದ ಕಾಂಗ್ರೆಸ್‌ ಹಾಗೂ ಬಿಜೆಪಿ ಬೆಂಬಲಿತ ಸದಸ್ಯರು ವಿಜಯೋತ್ಸವ ಆಚರಿಸಿದರು.

ದುರ್ಗಮುರ್ಗಿ ವೃತ್ತಿಯಲ್ಲಿ ತೊಡಗಿದ್ದ ಗುತ್ತೆವ್ವ ನಾಗರಾಜ ದುರ್ಗಮುರ್ಗಿ ಕಾಗಿನೆಲೆ ಗ್ರಾಪಂ 4ನೇ ವಾರ್ಡ್ ನಿಂದ ಆಯ್ಕೆಯಾಗಿ ಅಚ್ಚರಿ ಮೂಡಿಸಿದ್ದಾಳೆ. ಒಟ್ಟು 218 ಮತ ಪಡೆದ ಈಕೆ 52 ಮತಗಳ ಅಂತರದಿಂದ ಜಯಭೇರಿ ಬಾರಿಸಿದ್ದಾಳೆ. ಪ್ರತಿಸ್ಪರ್ಧಿ 166 ಮತ ಪಡೆದಿದ್ದಾರೆ.

ಒಲಿದ ಗ್ರಾಪಂ ಅಧ್ಯಕ್ಷ ಸ್ಥಾನ: ಕಾಗಿನೆಲೆ ಗ್ರಾಪಂ ಅಧ್ಯಕ್ಷ ಎಸ್‌ಟಿ ಮಹಿಳೆ ಮೀಸಲಿದ್ದು, ಗ್ರಾಪಂ. ವ್ಯಾಪ್ತಿಯಲ್ಲಿ ಯಾವುದೇ ಎಸ್‌.ಟಿ. ಮಹಿಳೆ ಆಯ್ಕೆಯಾಗದಿರುವ ಹಿನ್ನೆಲೆಯಲ್ಲಿ ಗುತ್ತೆವ್ವ ನಾಗರಾಜ ದುರ್ಗಮುರ್ಗಿ ಇವರಿಗೆ ಅಧ್ಯಕ್ಷ ಸ್ಥಾನ ಬಹುತೇಕ ಖಚಿತ ಎನ್ನಲಾಗುತ್ತಿದೆ.