ಹಾವೇರಿ ಶಿಗ್ಗಾವಿಯ ಮಾವಿನ ಹಣ್ಣು ವ್ಯಾಪಾರಿಗೆ ಕೋವಿಡ್ ಸೋಂಕು

Team Udayavani, May 11, 2020, 2:57 PM IST

ಹಾವೇರಿ: ಜಿಲ್ಲೆಯಲ್ಲಿ ಸೋಮವಾರ ಮೂರನೇ ಕೋವಿಡ್-19 ಪಾಸಿಟಿವ್ ಪ್ರಕರಣ ಪತ್ತೆಯಾಗಿದೆ. ಶಿಗ್ಗಾವಿ ತಾಲೂಕಿನ ಅಂದಲಗಿ ಗ್ರಾಮದ 25 ವರ್ಷದ ಮಾವಿನಹಣ್ಣಿನ ವ್ಯಾಪಾರಿಗೆ ಕೋವಿಡ್-19 ಸೋಂಕಿರುವುದನ್ನು ಜಿಲ್ಲಾಧಿಕಾರಿ ಕೃಷ್ಣ ಭಾಜಪೇಯಿ ದೃಢಪಡಿಸಿದ್ದಾರೆ.

ಮುಂಬೈನ ವ್ಯಾಪಾರಿಗಳೊಂದಿಗೆ ನಂಟು ಹೊಂದಿದ್ದ ಈ ವ್ಯಾಪಾರಿ ಲಾಕ್ ಡೌನ್ ಅವಧಿಯಲ್ಲಿಯೇ ಮಾವು ಮಾರಾಟಕ್ಕಾಗಿ ಮೂರು ಬಾರಿ ಮುಂಬಯಿಗೆ ಹೋಗಿ ಬಂದಿದ್ದಾನೆ. ಈತನನ್ನು ಪಿ-853 ಎಂದು ಗುರುತಿಸಲಾಗಿದ್ದು, ಚಿಕಿತ್ಸೆಗಾಗಿ ಜಿಲ್ಲಾ ಆಸ್ಪತ್ರೆಯಲ್ಲಿರುವ ಐಸೋಲೇಶನ್ ವಾರ್ಡಗೆ ದಾಖಲಿಸಲಾಗಿದೆ. ಈತ ವಾಸಿಸುತ್ತಿದ್ದ ಪ್ರದೇಶವನ್ನು ಸೀಲ್ ಡೌನ್ ಮಾಡಲಾಗಿದೆ.

ಈತ ಜಿಲ್ಲೆಯ ವಿವಿಧೆಡೆ ತೋಟದಲ್ಲೆ ಮಾವು ಗುತ್ತಿಗೆಪಡೆದು ಮುಂಬೈ ಹಾಗೂ ಪೂನಾಗಳಿಗೆ ಕಳಿಸುತ್ತಿದ್ದನು. ಈತ‌ನೊಂದಿಗೆ ಪ್ರಾಥಮಿಕ ಸಂಪರ್ಕ ಹೊಂದಿದ್ದ 16 ಜನ ಹಾಗೂ ದ್ವಿತೀಯ ಸಂಪರ್ಕಕ್ಕೆ ಬಂದ 23 ಜನರನ್ನು ಕ್ವಾರಂಟೈನ್ ಮಾಡಿ ಸ್ವ್ಯಾಬ್ ಪರೀಕ್ಷೆಗೆ ಕಳುಹಿಸಲಾಗಿದೆ.

ಒಂದುವಾರದ ಹಿಂದಷ್ಟೆ ಸವಣೂರಲ್ಲಿ ಇಬ್ಬರಿಗೆ ಕೋವಿಡ್-19 ಪಾಸಿಟಿವ್  ಪತ್ತೆಯಾಗಿತ್ತು