ಕಲಬುರಗಿ ವಿಮಾನ ನಿಲ್ದಾಣದೊಳಗೆ ಆರಂಭವಾಗಲಿದೆ ವಿಮಾನ ಹಾರಾಟ ತರಬೇತಿ ಅಕಾಡೆಮಿ

Team Udayavani, Jul 8, 2021, 2:33 PM IST

ಕಲಬುರಗಿ: ಕಲಬುರಗಿಯಲ್ಲಿ ವಿಮಾನ ಹಾರಾಟ ತರಬೇತಿ ಆರಂಭ ನಿಟ್ಟಿನಲ್ಲಿ ಇಂದು ಎರಡು ಅಕಾಡೆಮಿಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಯಿತು.

ಕಲಬುರಗಿ ವಿಮಾನ ನಿಲ್ದಾಣ ಮತ್ತು ಹೈದರಾಬಾದ್‌ ನ ಏಷ್ಯಾ ಪೆಸಿಫಿಕ್‌ ಫ್ಲೈಟ್ ಟ್ರೈನಿಂಗ್‌ ಅಕಾಡೆಮಿ ಹಾಗೂ ದೆಹಲಿಯ ರೆಡ್‌ಬರ್ಡ್‌ ಏವಿಯೇಷನ್‌ ಅಕಾಡೆಮಿ ನಡುವೆ ಒಪ್ಪಂದ ನಡೆಯಿತು. ವಿಮಾನ ನಿಲ್ದಾಣದ ನಿರ್ದೇಶಕ ಜ್ಞಾನೇಶ್ವರ ರಾವ್ ಅವರು ಇಂದು ವಿಮಾನ ನಿಲ್ದಾಣದಲ್ಲಿ ಅಕಾಡೆಮಿಗಳ ಜೊತೆ ಸಹಿ ಮಾಡಿದರು.

ಇದನ್ನೂ ಓದಿ:ರಾಜ್ಯದಿಂದ ನಾಲ್ವರು ಕೇಂದ್ರ ಸಚಿವರಾದರೂ ಯಾವುದೇ ಪ್ರಯೋಜನವಿಲ್ಲ: ಸತೀಶ್ ಜಾರಕಿಹೊಳಿ

ವಿಮಾನ ನಿಲ್ದಾಣದೊಳಗೆ ವಿಮಾನ ಹಾರಾಟ ತರಬೇತಿ ಅಕಾಡೆಮಿಗಳು ತಲೆ ಎತ್ತಲಿದೆ. ಇದಕ್ಕಾಗಿ ಎರಡು ಅಕಾಡೆಮಿಗೆ ತಲಾ ಐದು ಸಾವಿರ ಚದರ ಮೀಟರ್‌ ಭೂ ಹಂಚಿಕೆ ಮಾಡಲಾಗುತ್ತಿದೆ. ಇಂದು ಒಪ್ಪಂದಕ್ಕೆ ಸಹಿಯೊಂದಿಗೆ ಜಾಗ ಕೂಡ ಅಕಾಡಮಿಗಳಿಗೆ ಹಸ್ತಾಂತರ ಮಾಡಲಾಯಿತು. ಮುಂದಿನ ವರ್ಷದಿಂದ ವಿಮಾಹ ಹಾರಾಟ ತರಬೇತಿ ಆರಂಭ ನಿರೀಕ್ಷೆಯಿದ್ದು, ಕಲಬುರಗಿ ವಿಮಾನ ನಿಲ್ದಾಣದಲ್ಲಿ ಈ ಎರಡೂ ಅಕಾಡೆಮಿಗಳು 30 ವರ್ಷಗಳ ಕಾಲ ಕಾರ್ಯ ನಿರ್ವಹಿಸಲಿವೆ.