ಕಲಬುರಗಿಯಲ್ಲಿಂದು ಕೋವಿಡ್ಗೆ 11 ಬಲಿ : 957 ಸೊಂಕಿತರು ಪತ್ತೆ

Team Udayavani, Apr 29, 2021, 10:30 PM IST

ಕಲಬುರಗಿ: ಕೋವಿಡ್ ತನ್ನ ಅಟ್ಟಹಾಸ ಮುಂದುವರೆಸಿದ್ದು, ಗುರುವಾರ ಜಿಲ್ಲೆಯಲ್ಲಿ 11 ಜನ ಬಲಿಯಾಗಿದ್ದಾರೆ. ಈ ಮೂಲಕ ಕೋವಿಡ್ ನಿಂದ  ಬಲಿಯಾದವರ ಸಂಖ್ಯೆ 460ಕ್ಕೆ ಏರಿದಂತಾಗಿದೆ.

ಕಳೆದ ಹತ್ತು ದಿನಗಳಿಂದ ಏಳೆಂಟು ಜನರು ಸಾವನ್ನಪ್ಪುತ್ತಲೇ ಇದ್ದಾರೆ. ಅದೇ ರೀತಿ ಗುರುವಾರ 957 ಜನರಲ್ಲಿ ಸೊಂಕು ಪತ್ತೆಯಾಗಿದೆ. ಹೀಗಾಗಿ ಒಟ್ಟಾರೆ ಸೊಂಕಿತರ ಸಂಖ್ಯೆ 37956 ಏರಿಕೆಯಾಗಿದೆ. ಇದು ಸಹ ಕಳೆದೊಂದು ವಾರದಿಂದ ಸೊಂಕಿತರು 800-900 ಪತ್ತೆಯಾಗುತ್ತಿದೆ. ಗುರುವಾರ ದಿನದಂದೇ 537 ಜನ ಆಸ್ಪತ್ರೆ ಯಿಂದ ಡಿಸ್ಟಾಜ್೯ ಆಗಿದ್ದಾರೆ.

ಇದನ್ನೂ ಓದಿ:ಕೋವಿಡ್ ಸಮಯದಲ್ಲಿ ಜನರಿಗೆ ಸಹಾಯ ಮಾಡುವಂತೆ ಕಂಗನಾಗೆ ರಾಖಿ ಮನವಿ

ಗ್ರಾಮೀಣ ಭಾಗದಲ್ಲಿ ಅದರಲ್ಲೂ ಗಡಿ ತಾಲೂಕುಗಳಾದ ಆಳಂದ, ಅಫಜಲಪುರ ತಾಲೂಕಿನ ಹಳ್ಳಿಗಳಲ್ಲಿ ಕೋವಿಡ್  ವ್ಯಾಪಕವಾಗಿ ಹಬ್ಬಿದೆ. ಆಸ್ಪತ್ರೆಗೆ ಬಾರದೇ ಮನೆಯಲ್ಲಿಯೇ ಸಾವನ್ನಪ್ಪುತ್ತಿರುವುದು ವರದಿಯಾಗುತ್ತಿದೆ. ಮಹಾರಾಷ್ಟ್ರ ದಲ್ಲಿ ಕಪ್ರ್ಯೂ ಜಾರಿಯಾದ ನಂತರ ಕಾರ್ಮಿಕರು ಮರಳಿ ಬಂದಿರುವುದೇ ಉಲ್ಬಣಕ್ಕೆ ಕಾರಣವಾಗಿದೆ.