ಧರ್ಮಸ್ಥಳ ಸಂಸ್ಥೆ ಬದುಕಿಗೆ ಆಸರೆ

Team Udayavani, Jan 22, 2018, 11:16 AM IST

ಮಾದನಹಿಪ್ಪರಗಿ: ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಸ್ಥೆಯು ಗ್ರಾಮಿಣ ಭಾಗದಲ್ಲಿ ಸ್ವ ಸಹಾಯ ಸಂಘಗಳನ್ನು ಸ್ಥಾಪಿಸಿ ಬಡಜನರ ಬದುಕಿಗೆ ಆಸರೆಯಾಗಿದ್ದು, ಸ್ವಾವಲಂಬಿ ಜೀವನ ನಡೆಸಲು ಪ್ರರೇಣೆಯಾಗಿದೆ ಎಂದು ಜಿ.ಪಂ ಸದಸ್ಯ ಗುರುಶಾಂತ ಪಾಟೀಲ ಹೇಳಿದರು.

ಮಾದನಹಿಪ್ಪರಗಾದಲ್ಲಿ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವತಿಯಿಂದ ಪ್ರಗತಿಬಂದು ಸ್ವ ಸಹಾಯ ಸಂಘಗಳ ನೂತನ ಒಕ್ಕೂಟಗಳ ಉದ್ಘಾಟನಾ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ ಡಾ| ವಿರೇಂದ್ರ ಹೆಗ್ಗೆಡೆ ಜನಪರ ಕಾಳಜಿ ಉಳ್ಳವರಾಗಿದ್ದು, ಧಾರ್ಮಿಕ ಕಾರ್ಯಗಳೊಂದಿಗೆ ಸಾಮಾಜಿಕ ಸಾಂಸ್ಕೃತಿಕ ಕೆಲಸಗಳನ್ನು ಮಾಡುತ್ತಿದ್ದಾರೆ.
ನಾಡಿನಲ್ಲಿ ವಿವಿಧ ಸಾರ್ವಜನಿಕ ಕಾರ್ಯಗಳನ್ನು ಮಾಡುತ್ತಿರುವುದು ಶ್ಲಾಘನೀಯವಾಗಿದೆ ಎಂದರು.

ಯೋಜನಾ ನಿರ್ದೇಶಕರಾದ ರಾಘವೇಂದ್ರ ಕುಮಟಾ ಮಾತನಾಡಿ, ಧರ್ಮಸ್ಥಳ ಗ್ರಾಮೀಣ ಸಂಸ್ಥೆಯು ತಾಲೂಕಿನ
137 ಗ್ರಾಮ 7 ಹೋಬಳಿಗಳಲ್ಲಿ ಒಟ್ಟು 2094 ಪಗತಿಬಂಧು ಸ್ವ-ಸಹಾಯ ಸಂಘಗಳನ್ನು ಸ್ಥಾಪಿಸಿದೆ. ಇದರಲ್ಲಿ 19840 ಜನರು ಸದಸ್ಯತ್ವ ಪಡೆದಿದ್ದಾರೆ.12.50 ಕೋಟಿ ರೂ. ವಿವಿಧ ಕೆಲಸಗಳಿಗೆ ಕಡಿಮೆ ಬಡ್ಡಿ ದರದಲ್ಲಿ ಸಾಲವನ್ನು ನೀಡಿ ಆರ್ಥಿಕವಾಗಿ ಬೆಳೆಯಲು ಉತ್ತೇಜಿಸಲಾಗುತ್ತಿದೆ.

ಇದರ ಜೊತೆ ಸಂಘದ ಸದಸ್ಯರಿಗೆ ಕೌಶಲ್ಯ ತರಭೇತಿ 680 ಜನ ರೈತರಿಗೆ ಕೃಷಿ ಅದ್ಯಯನ ಪ್ರವಾಸ ಮಾಡಲಾಗಿದೆ. ವಿವಿಧ ಕೆರೆ‌ಗಳ ಹೂಳು ಎತ್ತುವುದು ಕುಡಿಯುವ ನೀರಿನ ವ್ಯಸವೆ ಶಾಲೆಗಳಿಗೆ ಬೆಂಚುಗಳ ನೀಡುವಿಕೆ ಸೇರಿದಂತೆ ಅನೇಕ ಜನಪರ ಕೆಲಸಗಳನು ಮಾಡಲಾಗುತ್ತಿದೆ ಎಂದು ಸಂಘದ ಅಭಿವೃದ್ದಿ ಕೆಲಸಗಳ ಬಗ್ಗೆ ತಿಳಿಸಿದರು.

ಮೈಂದರ್ಗಿಯ ಮಹಾಂತ ಸ್ವಾಮೀಜಿ ಸಾನ್ನಿಧ್ಯ ವಹಿಸಿ ಮಾತನಾಡಿದರು. ಪ್ರಾದೇಶಿಕ ಕಚೇರಿಯ ಯೋಜನಾ ಧಿಕಾರಿ ನಾಗರಾಜ, ಅತಿಥಿ ವಿಶ್ವನಾಥ ಸರಸಂಬಿ ಬಸವರಾಜ ಶಾಸ್ತ್ರೀ ಮಾತನಾಡಿದರು. ಗ್ರಾಪಂ ಅಧ್ಯಕ್ಷೆ ಶಾಂತಾಬಾಯಿ ಸಿಂಗೆ, ಸಿದ್ದರಾಮ ಪಾಟೀಲ, ಮಾಜಿ ಗ್ರಾಪಂ ಶಾಚಿತಾಬಾಯಿ ಸಿಂಗೆ, ಒಕ್ಕೂಟಗಳ ಅಧ್ಯಕ್ಷರಾದ ಅಶೋಕ ತೋಳನೂರ, ಕಲಾವತಿ ವಾಟೆ, ರತ್ನಾಬಾಯಿ ಕಣ್ಣಿ, ಸಂಗೀತಾ ಏಲಿಕೇರಿ, ಹಾಗೂ ಹಡಲಗಿ ಕೇರೂರ ನಿಂಬಾಳ ಗ್ರಾಮಗಳ ಒಕ್ಕೂಟಗಳ ಅಧ್ಯಕ್ಷರು ಹಾಜರಿದ್ದರು. 

ಸಂಜುಕುಮಾರ ಪಾಟೀಲ, ಅಮೃತರಾವ ಪಾಟೀಲ, ಶಿವಶರಣ ಪರೀಟ್‌, ಸಂತೋಷಿ ಭೂಸನೂರ, ಶಿವಲೀಲಾ ಶಾಸ್ತ್ರೀ ಸುಮಾ ಹಿರೇಮಠ, ಸಂಗೀತಾ ಹಡಲಗಿ, ವಿಜಯಲಕ್ಷ್ಮೀ, ರೇಣುಕಾ ಹಡಲಗಿ ಇದ್ದರು. ಮಂಜುನಾಥ ನಿರೂಪಿಸಿದರು. ಕು.ವಿಜಯಲಕ್ಷ್ಮೀ ಕಲಶೆಟ್ಟಿ ಪ್ರಾರ್ಥಿಸಿದರು.