ಡಾ| ಬಸವಣ್ಣೆಪ್ಪಗೆ ಉತ್ತಮ ವಿಜ್ಞಾನಿ ಪ್ರಶಸಿ

Team Udayavani, Mar 17, 2018, 10:42 AM IST

ಸಿರುಗುಪ್ಪ: ಉತ್ತರ ಪ್ರದೇಶದ ನೊಯ್ಡಾ ಎಜ್ಯುಕೇಷನ್‌ ಎಕ್ಸ್‌ಪೋ ಹಾಗೂ ತರಬೇತಿ ಮತ್ತು ತಂತ್ರಜ್ಞಾನ ಸಂಸ್ಥೆ ಕೊಡಮಾಡುವ ರಾಷ್ಟ್ರ ಮಟ್ಟದ ಉತ್ತಮ ವಿಜ್ಞಾನಿ ಪ್ರಶಸ್ತಿಗೆ ನಗರದ ಕೃಷಿ ಸಂಶೋಧನಾ ಕೇಂದ್ರದ ಕೃಷಿ ವಿಜ್ಞಾನಿ ಡಾ| ಎಂ.ಎ.ಬಸವಣ್ಣೆಪ್ಪ ಆಯ್ಕೆಯಾಗಿದ್ದಾರೆ.

ನಗರದ ಕೃಷಿ ಸಂಶೋಧನಾ ಕೇಂದ್ರದ ಮುಖ್ಯಸ್ಥರಾದ ಡಾ| ಎಂ.ಎ.ಬಸವಣ್ಣೆಪ್ಪ, ಕೃಷಿ ಕ್ಷೇತ್ರದಲ್ಲಿ ವಿಶೇಷವಾಗಿ ಕೂರಿಗೆ ಭತ್ತ ಪದ್ಧತಿ, ಸಾವಯವ ಪದ್ಧತಿ, ಪರ್ಯಾಯ ಬೆಳೆಗಳ ಅಭಿವೃದ್ಧಿ, ಸಮಗ್ರ ಕೃಷಿ ಪದ್ಧತಿಯಲ್ಲಿನ ನವೀನ ಮಾದರಿ ಹಾಗೂ ಡಿಜಿಟಲ್‌ ಕೃಷಿ ಅಭಿವೃದ್ಧಿಗಾಗಿ ಸಲ್ಲಿಸಿದ ಸೇವೆ ಈ ಪ್ರಶಸ್ತಿ ನೀಡಲಾಗಿದೆ. ಹೈದ್ರಾಬಾದ್‌ನಲ್ಲಿ ಮಾ.18ರಂದು ನಡೆಯಲಿರುವ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ನೊಯ್ಡಾ ಎಜ್ಯುಕೇಷನ್‌ ಎಕ್ಸ್‌ಪೋ ಹಾಗೂ ತರಬೇತಿ ಮತ್ತು ತಂತ್ರಜ್ಞಾನ ಸಂಸ್ಥೆಯ ಸಂಶೋಧನಾ ಹಾಗೂ ಅಭಿವೃದ್ಧಿ ವಿಭಾಗದ ಮುಖ್ಯಸ್ಥ ಡಾ|ಡಿ.ಸಿ.ಸಿಂಗ್‌ ತಿಳಿಸಿದ್ದಾರೆ.