ಎನ್‌ಇಕೆಆರ್‌ಟಿಸಿ ಕಾರ್ಯಾಗಾರಕ್ಕೆ ಬೆಂಕಿ: 11 ಬಸ್‌ ಭಸ್ಮ

Team Udayavani, Mar 1, 2018, 6:10 AM IST

ಕಲಬುರಗಿ: ನಗರದ ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ವಿಭಾಗೀಯ ಕಾರ್ಯಾಗಾರದಲ್ಲಿ ಬುಧವಾರ ಮಧ್ಯಾಹ್ನ ಸಂಭವಿಸಿದ ಭಾರಿ ಬೆಂಕಿ ಅವಘಡದಲ್ಲಿ 11 ಬಸ್‌, ಸಾವಿರಾರು ಟೈರ್‌ ಹಾಗೂ ಸಲಕರಣೆಗಳು ಸುಟ್ಟು ಕರಕಲಾಗಿದೆ.

ಇಲ್ಲಿನ ಇಂದಿರಾ ನಗರ-ವಸಂತ ನಗರಕ್ಕೆ ಹೊಂದಿಕೊಂಡಂತೆ ಇರುವ ಈಶಾನ್ಯ ಸಾರಿಗೆ ಸಂಸ್ಥೆ ವಿಭಾಗೀಯ ಕಾರ್ಯಾಗಾರ-2 ಮತ್ತು ಬಸ್‌ ಘಟಕ -3ಕ್ಕೆ ಹೊಂದಿಕೊಂಡಿರುವ ಡಿವಿಷನಲ್‌ ವರ್ಕ್‌ಶಾಪ್‌ನಲ್ಲಿ ಸಣ್ಣದಾಗಿ ಹೊತ್ತಿಕೊಂಡ ಬೆಂಕಿ ಕ್ಷಣಾರ್ಧದಲ್ಲಿ ಎಲ್ಲೆಡೆ ಆವರಿಸಿತು. ಬೆಂಕಿ ನಂದಿಸಲು ಅಗ್ನಿಶಾಮಕ ದಳ ಹರಸಾಹಸ ಪಟ್ಟಿತು. ಪಕ್ಕದಲ್ಲಿಯೇ ಸೆಂಟ್‌ ಜೋಸೆಫ್ ಶಾಲೆ ಇದೆ. ವಿದ್ಯಾನಗರ, ಇಂದಿರಾನಗರ, ರಾಮನಗರ, ವಸಂತ ನಗರಗಳಲ್ಲಿನ ಮನೆಗಳಿಗೂ ಹೊಗೆ ಆವರಿಸಿಕೊಂಡಿತ್ತು.