Malleshwaram: ಪ್ರಕರಣದಲ್ಲಿ ಭಾಗಿಯಾಗಿದ್ದ ಕೈದಿಯಿಂದ ಹನಿಟ್ರ್ಯಾಪ್‌?

Team Udayavani, Oct 18, 2024, 7:20 AM IST

ಕ‌ಲಬುರಗಿ: ಗಾಂಜಾ ಸೇವನೆ, ಮೊಬೈಲ್‌ ಬಳಕೆ ಆರೋಪದಿಂದ ಸುದ್ದಿಯಾಗಿದ್ದ ಕಲಬುರಗಿ ಜೈಲಿನಲ್ಲಿ ಕೈದಿಯೊಬ್ಬ ತನ್ನ ಸಹ ಕೈದಿಗೆ ಹನಿಟ್ರ್ಯಾಪ್‌ ಮಾಡಿರುವ ಆರೋಪ ಕೇಳಿ ಬಂದಿದೆ.

ಕಲಬುರಗಿ ಜೈಲಿನಲ್ಲಿರುವ ಬೆಂಗಳೂರಿನ ಮಲ್ಲೇಶ್ವರಂನಲ್ಲಿ ನಡೆದ ಬಾಂಬ್‌ ಸ್ಫೋಟ ಪ್ರಕರಣದ ಆರೋಪಿ ಶಿವಮೊಗ್ಗ ಮೂಲದ ಕೈದಿ ಜತೆ ಸೇರಿಕೊಂಡು ತಮ್ಮ ಸಹ ಕೈದಿಗಳನ್ನು ಹನಿಟ್ರ್ಯಾಪ್‌ ಗೆ ಬೀಳಿಸಿ ಹಣ ಕೀಳುತ್ತಿರುವ ವಿಷಯ ಚರ್ಚೆಗೆ ಗ್ರಾಸವಾಗಿದೆ.

ಮಲ್ಲೇಶ್ವರಂ ಸ್ಫೋಟ ಪ್ರಕರಣದ ಕೈದಿ ತನ್ನ ಸೆಲ್‌ಗೆ ಸಾಗರ ಎಂಬಾತನನ್ನು ಕರೆಯಿಸಿಕೊಂಡು ಕುಟುಂಬಸ್ಥರ ಜತೆ ವೀಡಿಯೋ ಕಾಲ್‌ನಲ್ಲಿ ಮಾತನಾಡಿಸಿದ್ದಾನೆ. ಬಳಿಕ ನೀನು ಇನ್ನೊಂದು ಮಹಿಳೆಯೊಂದಿಗೆ ಬೆತ್ತಲಾಗಿ ಮಾತನಾಡಿದರೆ ಆಕೆಯೂ ಬೆತ್ತಲಾಗಿ ಮಾತನಾಡುತ್ತಾಳೆ ಎಂದು ಪುಸಲಾಯಿಸಿದ್ದಾನೆ. ಆ ಬಳಿಕ ಮಹಿಳೆ ಮತ್ತು ಸಾಗರ್‌ ಮಧ್ಯೆ ನಡೆಯುವ ಸಂಭಾಷಣೆಯ ಸ್ಕ್ರೀನ್‌ ಶಾಟ್‌ಗಳನ್ನು ತೆಗೆದುಕೊಂಡು ಬ್ಲ್ಯಾಕ್ ಮೇಲ್ ಮಾಡಿ 50 ಸಾವಿರ ರೂ. ಪಡೆದಿದ್ದಾನೆ. ಎಂದು ಖುದ್ದು ಸಾಗರ್‌ ತನ್ನ ಸಹೋದರನ ಜತೆ ಮಾತನಾಡಿರುವ ವೀಡಿಯೋ ಈಗ ವೈರಲ್‌ ಆಗಿದೆ. ಇದೇ ರೀತಿ ಹಲವು ಹನಿಟ್ರ್ಯಾಪ್‌ ಆರೋಪ ಕೇಳಿ ಬಂದಿದೆ.