ಕಲಬುರಗಿ ‌ಮಹಾ ನಗರ ಪಾಲಿಕೆ ʼಕೈʼ ತೆಕ್ಕೆಗೆ: ಯಲ್ಲಪ್ಪ ಮೇಯರ್,ಹೀನಾ ಉಪ ಮೇಯರ್ ಅವಿರೋಧ ಆಯ್ಕೆ

Team Udayavani, Jul 30, 2024, 3:00 PM IST

ಕಲಬುರಗಿ: ಇಲ್ಲಿನ ಮಹಾನಗರ ಪಾಲಿಕೆಗೆ ಮಂಗಳವಾರ (ಜು.30ರಂದು) ನಡೆದ ಚುನಾವಣೆಯಲ್ಲಿ‌ಕಾಂಗ್ರೆಸ್ ಯಲ್ಲಪ್ಪ ನಾಯಿಕೋಡಿ ಮೇಯರ್ ಆಗಿ ಹಾಗೂ ಹೀನಾ ಬೇಗಂ ಅವರು ಉಪ ಮೇಯರ್ ಆಗಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಮೇಯರ್ ಸ್ಥಾನಕ್ಕೆ ಬಿಜೆಪಿಯಿಂದ ದಿಗಂಬರ್ ನಾಡಗೌಡ ನಾಮಪತ್ರ ಸಲ್ಲಿಸಿದ್ದರೂ ಜಾತಿ ಪ್ರಮಾಣ ಪತ್ರದಲ್ಲಿನ ದೋಷದಿಂದಾಗಿ ತಿರಸ್ಕರಿಸಲ್ಪಟ್ಟಿದ್ದರಿಂದ ಯಲ್ಲಪ್ಪ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆಂದು ಘೋಷಣೆ ಮಾಡಲಾಯಿತು.

ಉಪ‌ಮೇಯರ್ ಸ್ಥಾನಕ್ಕೂ ನಾಮಪತ್ರ ಸಲ್ಲಿಸುವ ಪ್ರಕ್ರಿಯೆ ಮಡೆದು ಕೊನೆಯಲ್ಲಿ ಜೆಡಿಎಸ್ ನಿಂದ ಉಪ ಮೇಯರ್ ಸ್ಥಾನಕ್ಕೆ ಅಲೀಮ್ ಪಟೇಲ್  ನಾಮಪತ್ರ ವಾಪಸ್ಸು ಪಡೆದ ಹಿನ್ನೆಲೆಯಲ್ಲಿ  ಕಾಂಗ್ರೆಸ್ ನ ಹೀನಾ ಅವರು ಅವಿರೋಧ ಆಯ್ಕೆ ಘೋಷಣೆ ಮಾಡಲಾಯಿತು.

ಪ್ರದೇಶಿಕ ಆಯುಕ್ತ ಕೃಷ್ಣ ಬಾಜಪೇಯಿ ಆಯ್ಕೆಯನ್ನು ಅಧಿಕೃತವಾಗಿ ಘೋಷಣೆ ಮಾಡಿದರು.

ಈ ವೇಳೆಯಲ್ಲಿ‌ ಸಂಸದ ರಾಧಾಕೃಷ್ಣ ದೊಡ್ಡಮನಿ, ಶಾಸಕರಾದ ಅಲ್ಲಂಪ್ರಭು ಪಾಟೀಲ, ಕನೀಜ್ ಫಾತಿಮಾ, ಎಂಎಲ್ಸಿಗಳಾದ ತಿಪ್ಪಣ್ಣಪ್ಪ‌ಕಮಕನೂರ, ಚಂದ್ರಶೇಖರ ಪಾಟೀಲ. ಜಿಡಿಎ ಚೇರಮನ್ ಮಜರ್ ಆಲಂ ಖಾನ್  ಇತರರು ಇದ್ದರು.