ಇಡೀ ಕುಪನೂರ ಗ್ರಾಮ ಸೀಲ್‌ಡೌನ್‌

Team Udayavani, Jul 14, 2020, 1:59 PM IST

ಚಿಂಚೋಳಿ: ತಾಲೂಕಿನ ಕುಪನೂರ ಗ್ರಾಮದಲ್ಲಿ 18 ಜನರಲ್ಲಿ ಕೋವಿಡ್‌-19 ಸೋಂಕು ದೃಢಪಟ್ಟಿದ್ದರಿಂದ ಇಡೀ ಗ್ರಾಮವನ್ನು ಸೀಲ್‌ಡೌನ್‌ ಮಾಡಲಾಗಿದೆ. ಎಲ್ಲ ಸೋಂಕಿತರನ್ನು ಕಲಬುರಗಿ ಜಿಲ್ಲಾಸ್ಪತ್ರೆಗೆ ಸೇರಿಸಲಾಗಿದೆ ಎಂದು ತಹಶೀಲ್ದಾರ್‌ ಅರುಣಕುಮಾರ ಕುಲಕರ್ಣಿ ತಿಳಿಸಿದ್ದಾರೆ.

ಕುಪನೂರ ಗ್ರಾಮದಲ್ಲಿ 18 ಜನರಲ್ಲಿ ಕೋವಿಡ್‌ ಸೋಂಕು ದೃಢಪಟ್ಟ ಕಾರಣ ಗ್ರಾಮಕ್ಕೆ ಭೇಟಿ ನೀಡಿ ಗ್ರಾಮದಲ್ಲಿ ಡಂಗೂರ ಸಾರಿ ಜನರಿಗೆ ಜಾಗೃತಿಗೊಳಿಸಿ ಎಚ್ಚರಿಕೆಯಿಂದ ಇರಲು ಹಾಗೂ ಪ್ರತಿಯೊಬ್ಬರು ಸಾಮಾಜಿಕ ಅಂತರ ಕಾಪಾಡಿಕೊಳ್ಳಬೇಕು. ಅಲ್ಲದೇ ಸ್ಯಾನಿಟೈಸರ್‌ ಉಪಯೋಗಿಸಬೇಕು. ಪ್ರತಿಯೊಬ್ಬರು ಮಾಸ್ಕ್ ಕಡ್ಡಾಯವಾಗಿ ಧರಿಸಬೇಕೆಂದು ಸೂಚನೆ ನೀಡಲಾಗಿದೆ ಎಂದು ಹೇಳಿದರು. ಗ್ರಾಮಸ್ಥರು ಮನೆಯಿಂದ ಯಾರು ಹೊರಗಡೆ ಬರಬಾರದು ಮತ್ತು ಹೊರಗಿನಿಂದ ಗ್ರಾಮಕ್ಕೆ ಬರದಂತೆ ಜಾಗೃತಿ ಮೂಡಿಸಲಾಗಿದೆ. ಬಿಸಿ ನೀರು, ಶುದ್ಧ ನೀರು, ಬಿಸಿಯಾದ ಊಟ ಸೇವಿಸಬೇಕು. ಅಲ್ಲದೇ ಗ್ರಾಮದಲ್ಲಿ ಬ್ಲಿಚಿಂಗ್‌ ಫೌಡರ್‌ ಮತ್ತು ಫಾಗಿಂಗ್‌ ಮಾಡಲಾಗಿದೆ ಎಂದು ಕುಪನೂರ ಗ್ರಾಪಂ ಆಡಳಿತಾಧಿಕಾರಿ ಅಜೀಮೋದ್ದೀನ್‌ ತಿಳಿಸಿದ್ದಾರೆ.

ಕುಪನೂರ ಗ್ರಾಮಕ್ಕೆ ತಹಶೀಲ್ದಾರ್‌ ಅರುಣಕುಮಾರ ಕುಲಕರ್ಣಿ, ತಾಲೂಕು ಆರೋಗ್ಯಾಧಿಕಾರಿ ಡಾ| ದೀಪಕ ಪಾಟೀಲ, ಆಡಳಿತಾಧಿಕಾರಿ ಅಜೀಮೋದ್ದಿನ್‌, ಸಿಪಿಐ ವಿಜಯ ಮಹಾಂತೇಶ ಮಠಪತಿ, ಪಿಎಸ್‌ಐ ತಿಮ್ಮಯ್ಯ, ಕಂದಾಯ ನಿರೀಕ್ಷಕ ಸುಭಾಶ, ಅಂಗನವಾಡಿ, ಆಶಾ ಕಾರ್ಯಕರ್ತೆಯರು ಭೇಟಿ ನೀಡಿದರು.