PSI ರಿವಲ್ವಾರ್ ಕಿತ್ತುಕೊಂಡು ಪರಾರಿಯಾದ ಕಳ್ಳ; ಸಂಕಷ್ಟಕ್ಕೆ ಸಿಲುಕಿದ ಅಫಜಲಪುರ ಪಿಎಸ್ಐ

Team Udayavani, Jul 17, 2023, 1:20 PM IST

PSI ರಿವಲ್ವಾರ್ ಕಿತ್ತುಕೊಂಡು ಪರಾರಿಯಾದ ಭಾರಿ ಕಳ್ಳ; ಸಂಕಷ್ಟಕ್ಕೆ ಸಿಲುಕಿದ ಅಫಜಲಪುರ ಪಿಎಸ್ಐ

ಕಲಬುರಗಿ: ಕುಖ್ಯಾತ ಕಳ್ಳನೋರ್ವ ಅಫಜಲಪುರ ಪೊಲೀಸ್ ಠಾಣೆಯ ಪಿಎಸ್ಐ ಅವರ ಸರ್ವಿಸ್ ರಿವಾಲ್ವರ್ ಕಸಿದುಕೊಂಡು ಪರಾರಿಯಾದ ಘಟನೆ ನಿನ್ನೆ ರಾತ್ರಿ ಜಿಲ್ಲೆಯ ಅಫಜಲಪುರ ಪಟ್ಟಣದಲ್ಲಿ ನಡೆದಿದೆ.

ಅಫಜಲಪುರ ತಾಲೂಕಿನ ಬಳ್ಳೂರಗಿ ಮೂಲದ ಕುಖ್ಯಾತ ಕಳ್ಳ ಖಾಜಪ್ಪ ರಿವಲ್ವಾರ್ ಕಸಿದುಕೊಂಡು ಓಡಿ ಹೋಗಿರುವ ಕಳ್ಳನಾಗಿದ್ದಾನೆ.

ರಿವಲ್ವಾರ್ ಮಿಸ್ ಮಾಡೊಕೊಂಡ ಪಿಎಸ್ಐ ಭೀಮರಾಯ್ ಬಂಕಲಗಿ ಆಗಿದ್ದು, ರಿವಲ್ವಾರನೊಂದಿಗೆ ಪರಾರಿಯಾಗಿರುವ ಕಳ್ಳನಿಗಾಗಿ ಭಾರಿ ಹುಡುಕಾಟ ನಡೆದಿದೆ.

ಹಿಡಿಯಲು ಬಂದಿದ್ದ ಸಿಸಿಬಿ ಪೊಲೀಸರು

ಕಳ್ಳ ಖಾಜಪ್ಪನನ್ನ ಬಂಧಿಸಲು ಬೆಂಗಳೂರಿನಿಂದ ಅಫಜಲಪುರಕ್ಕೆ ಸಿಸಿಬಿ ಪೊಲೀಸರು ಬಂದಿದ್ದರು. ಖಚಿತ ಮಾಹಿಯನ್ನಾಧರಿಸಿ ಖಾಜಪ್ಪನನ್ನು ಹಿಡಿಯಲು ಅಫಜಲಪುರ ತಾಲೂಕಿನ ಸೊನ್ನ ಗ್ರಾಮಕ್ಕೆ ಪಿಎಸ್ಐ ಹಾಗೂ ಇತರೆ ಸಿಬ್ಬಂದಿ ಹೋಗಿದ್ದರು.

ಡಸ್ಟರ್ ವಾಹನದಲ್ಲಿ ಕುಳಿತಿದ್ದ ಖಾಜಪ್ಪನನ್ನು ಪೊಲೀಸ್ ತಂಡ ಹಿಡಿಯಲು ಹೋಗಿದ್ದರು. ಈ ವೇಳೆ ಪಿಎಸ್ಐ ಭೀಮರಾಯ್ ತನ್ನ ಸರ್ವಿಸ್ ಪಿಸ್ತೂಲ್ ನಿಂದ ಕಾರಿನ ಗ್ಲಾಸ್ ಒಡೆಯಲು ಪ್ರಯತ್ನಿಸಿದರು. ಆಗ ಚಾಲಾಕಿ ಖಾಜಪ್ಪ ಡೋರ್ ತೆಗೆದು ಪಿಎಸ್ಐ ಕೈಯಲ್ಲಿರುವ ಪಿಸ್ತೂಲ್ ಕಿತ್ತುಕೊಂಡು ಪರಾರಿಯಾಗಿದ್ದಾನೆ.

ಗಾಬರಿಗೊಂಡ ಪಿಎಸ್ಐ ಸೇರಿದಂತೆ ಪೊಲೀಸರು ರಾತ್ರಿ ಇಡೀ ತಂಡ ಕಾರ್ಯಚರಣೆ ನಡೆಸಿದರೂ ಖಾಜಪ್ಪ ಸಿಕ್ಕಿಲ್ಲ. ಪುಲ್ ಲೋಡೆಡ್ ಸರ್ವಿಸ್ ಪಿಸ್ತೂಲ್ ಸಮೇತ ಪರಾರಿಯಾಗಿದ್ದರಿಂದ ಆತಂಕಕ್ಕೆ ಕಾರಣವಾಗಿದೆ.

ಘಟನೆ ನಡೆಯತ್ತಿದ್ದಂತೆ ಎಸ್ಪಿ ಇಶಾ ಪಂತ್ ಭೇಟಿ ಮಾಹಿತಿ ಪಡೆದುಕೊಂಡಿದ್ದಾರೆ ಎಂದು ತಿಳಿದಿದೆ.

ಖಾಜಪ್ಪ ವಿರುದ್ಧ ಬೆಂಗಳೂರು, ಅಫಜಲಪುರ, ಕಲಬುರಗಿ ಸೇರಿದಂತೆ ವಿವಿಧ ಪೊಲೀಸ್ ಠಾಣೆಗಳಲ್ಲಿ 20 ಅಧಿಕ ಕಳ್ಳತನ ಪ್ರಕರಣಗಳು ದಾಖಲಾಗಿವೆ