ವಾಡಿ: ಆಶ್ರಯ ಮನೆಗಾಗಿ 4 ಲಕ್ಷ ವಂತಿಗೆ ಪಾವತಿಸಿ

Team Udayavani, Mar 4, 2020, 10:52 AM IST

ವಾಡಿ: ಪಟ್ಟಣದ ಹೊರ ವಲಯದಲ್ಲಿ ಪುರಸಭೆ ವತಿಯಿಂದ ನಿರ್ಮಿಸಲಾಗುತ್ತಿರುವ ಆಶ್ರಯ ಮನೆಗಳ ಸೌಲಭ್ಯ ಪಡೆದುಕೊಳ್ಳಲು ಆಸಕ್ತ ಅರ್ಹ ಫಲಾನುಭವಿಗಳು 4 ಲಕ್ಷ ರೂ. ಪಾವತಿಸಬೇಕು ಎಂದು ಪುರಸಭೆ ಆಡಳಿತ ಆದೇಶ ಹೊರಡಿಸಿದೆ.

ಈ ಕುರಿತು ಮಂಗಳವಾರ ಪತ್ರಿಕಾ ಪ್ರಕಟಣೆ ಹೊರಡಿಸಿರುವ ಪುರಸಭೆ ಮುಖ್ಯಾಧಿ ಕಾರಿ ವಿಠuಲ ಹಾದಿಮನಿ, ವಾಡಿ ಪಟ್ಟಣವನ್ನು ವಿಸ್ತರಿಸಲು ಹಾಗೂ ವಸತಿ ರಹಿತ ಅರ್ಹ ಫಲಾನುಭವಿಗಳಿಗೆ ಸರಕಾರದ ವತಿಯಿಂದ ಮನೆಗಳನ್ನು ಒದಗಿಸಲು ಯೋಜನೆ ರೂಪಿಸಲಾಗಿದೆ. ಪಿಎಂಎವೈ ಯೋಜನೆಯಡಿ ಜಿ+1 ಮಾದರಿಯ ಮನೆಗಳನ್ನು ನಿರ್ಮಾಣ ಮಾಡಲಾಗುತ್ತಿದೆ. ಒಂದು ಮನೆ ನಿರ್ಮಾಣಕ್ಕೆ 5.50 ಲಕ್ಷ ರೂ. ಮೊತ್ತ ತಗಲುತ್ತಿದೆ. ಸರಕಾರದಿಂದ 1.50 ಲಕ್ಷ ರೂ. ಭರಿಸುತ್ತಿದೆ. ಉಳಿದ 4 ಲಕ್ಷ ರೂ. ವಂತಿಗೆ ಹಣವನ್ನು ಫಲಾನುಭವಿಗಳೆ ಪಾವತಿಸಬೇಕಿದೆ. ವಂತಿಗೆ ಪಾವತಿಸುವವರನ್ನು ಮಾತ್ರ ಫಲಾನುಭವಿಯಾಗಿ ಆಯ್ಕೆ ಮಾಡಲಾಗುತ್ತದೆ. ಆಸಕ್ತರು ಪುರಸಭೆ ಕಚೇರಿ ಸಂಪರ್ಕಿಸಲು ಕೋರಿದ್ದಾರೆ.

ಅಂಬೇಡ್ಕರ್‌-ವಾಜಪೇಯಿ ವಸತಿ ಯೋಜನೆ ಬ್ಲಾಕ್‌: 2015/16 ಹಾಗೂ 17ನೇ ಸಾಲಿನ ಡಾ| ಅಂಬೇಡ್ಕರ್‌ ಆವಾಸ್‌ ಯೋಜನೆ ಮತ್ತು ವಾಜಪೇಯಿ ವಸತಿ ಯೋಜನೆಯಡಿ ಮಂಜೂರಾದ ಮನೆಗಳನ್ನು ಫಲಾನುಭವಿಗಳು ನಿರ್ಮಿಸಿಕೊಳ್ಳದ ಕಾರಣ ಅರ್ಜಿಗಳನ್ನು ಬ್ಲಾಕ್‌ ಮಾಡಲಾಗಿದೆ. ಈ ಮಧ್ಯೆ ರಾಜೀವಗಾಂ ಧಿ ಗ್ರಾಮೀಣ ವಸತಿ ನಿಗಮವು ಮಾರ್ಚ್‌ 14ರ ವರೆಗೆ ಮನೆ ನಿರ್ಮಿಸಿಕೊಂಡು ಫೋಟೋ ಅಪ್ಲೋಡ್‌ ಮಾಡುವಂತೆ ಆದೇಶಿಸಿದೆ.

ನಿಗದಿತ ದಿನಾಂಕದೊಳಗೆ ಮನೆ ಕಟ್ಟಡ ಆರಂಭಿಸದಿದ್ದರೆ ಈ ಮನೆಗಳ ಅರ್ಜಿಗಳನ್ನೂ ಬ್ಲಾಕ್‌ ಮಾಡಲಾಗುತ್ತದೆ ಎಂದು ಮುಖ್ಯಾಧಿಕಾರಿಗಳು ಫಲಾನುಭವಿಗಳಿಗೆ ನೋಟಿಸ್‌ ಜಾರಿ ಮಾಡುವ ಮೂಲಕ ಎಚ್ಚರಿಕೆ ನೀಡಿದ್ದಾರೆ.